Erlent

Lést vegna heilaétandi amöbu

Viktor Örn Ásgeirsson skrifar
Mælt er gegn því að fólk hoppi út í hlýrri stöðuvötn.
Mælt er gegn því að fólk hoppi út í hlýrri stöðuvötn. AP/Jacobson

Unglingur í Nevada í Bandaríkjunum lést nýlega af völdum heilaétandi amöbu. Dýrið er talið hafa farið inn í nef og upp í heila unglinsins þegar hann baðaði sig í stöðuvatni í fylkinu.

Nokkur sambærileg tilfelli hafa komið upp á undanförnum árum en samkvæmt gögnum frá Sóttvarnastofnun Bandaríkjanna hafa samtals 154 tilfelli komið upp síðan árið 1962 – langflest í Flórída og Texas.

Farsóttarfræðingur segir ekki ástæðu til að óttast en telur eðlilegt að fólk hafi varann á.

„Þetta fangar athygli fólks sökum nafnsins enda yfirleitt talað um „heilaétandi amöbur.“ En þetta er mjög sjaldgæfur sjúkdómur. Ég myndi ekki segja að það þurfi sérstaklega að óttast eitthvað enda auðvelt að koma í veg fyrir þetta, til dæmis með því að hoppa ekki út í heitari stöðuvötn eða setja tappa í nefið,“ segir farsóttarfræðingurinn Brian Labus við Guardian.

Amaban fer einungis inn um nef og þaðan upp í heila og veikist fólk því ekki ef það gleypir amöbuna. Sjúkdómurinn er talinn leiða til dauðsfalla í 97 prósent tilvika enda er engin lækning til og greinist amaban yfirleitt of seint.

Hægt er að lesa meira um slímdýrið á Vísindavefnum.

Bandaríkin Dýr Heilbrigðismál

Tengdar fréttir

Á batavegi eftir heilaétandi amöbu

Hin 12 ára gamla Kali Hardig er á batavegi eftir að það uppgötvaðist að heilaétandi amaba hefði komið sér fyrir í höfði stúlkunnar.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið