Fótbolti

Evrópumeistararnir í nokkuð erfiðum riðli

Hjörvar Ólafsson skrifar
Enska liðið varð Evrópumeistari á heimavelli síðasta sumar. 
Enska liðið varð Evrópumeistari á heimavelli síðasta sumar.  Vísir/Getty

Dregið var í riðla fyrir lokakeppni heimsmeistaramótsins í fótbolta kvenna sem fram fer í Ástralíu og Nýja-Sjálandi á næsta árið í morgun.

England, sem varð Evrópumeistari síðasta sumar er í riðli með Danmörku, Kína og sigurvegaranum úr umspili Senegal, Haíti og Síle um laust sæti á mótinu.

Ríkjandi heimsmeistarar, Bandaríkin, eru svo í riðli með Víetnam, sem keppir í lokakeppni mótsins í fyrsta skipti í sögnunni, Hollandi og Kamerún, Thaílandi eða Portúgal.  

Þetta verður í fyrsta skipti sem 32 lið leika í lokakeppni mótsins en 24 lið tóku þátt í mótinu í Frakklandi árið 2019 Bandaríkin fóru með sigur af hólmi. 

Liðin 32 voru dregin í átta riðla en enn á eftir að leika umspil um þrjú síðustu lausu sætin á mótinu. Það umspil verður spilað í febrúar í upphafi næsta árs.  

Riðlarnir á mótinu munu líta svona út: 

A-riðill: Nýja-Sjáland, Noregur, Filippseyjar og Sviss. 

B-riðill: Ástralía, Írland, Nígería og Kanada.

C-riðill: Spánn, Kosta Ríka, Sambía og Japan. 

D-riðill: England, Danmörk, Kína og Senegal, Haíti eða Síle.

E-riðill: Bandaríkin, Víetnam, Holland og Kamerún, Thaíland eða Portúgal. 

F-riðill: Frakkland, Jamaíka, Brasilía og Taipei, Panama, Paragvæ eða Papúa Nýja-Gínea.

G-riðill: Svíþjóð, Suður-Afríka, Ítalía og Argentína. 

H-riðill: Þýskaland, Marokkó, Kólumbía og Suður-Kórea.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.