Veður

Stormur austan­til en lægir smám saman

Atli Ísleifsson skrifar
Hiti á landinu verður í kringum frostmark víðast hvar, en kólnar í kvöld, einkum í innsveitum.
Hiti á landinu verður í kringum frostmark víðast hvar, en kólnar í kvöld, einkum í innsveitum. Vísir/RAX

Reikna má með norðvestan hvassviðri eða stormi um landið austanvert í dag og éljum norðaustantil. Veðurstofuan spáir þó að það muni stytta upp í dag og lægja smám saman.

Appelsínugular viðvaranir eru enn í gildi á austanverðu landinu, þær síðustu til klukkan níu fyrir hádegi.

Á vef Veðurstofunnar segir að það verði norðan fimm til tíu metrar á sekúndu og bjartviðri vestanlands í dag.

Hiti verður í kringum frostmark víðast hvar, en kólnar í kvöld, einkum í innsveitum.

„Vaxandi suðaustanátt á Suður- og Vesturlandi í nótt, 10-18 m/s og rigning á morgun. Hægari vindur og þurrt norðaustanlands, en þar fer að rigna seinnipartinn og þá í vestan kalda sunnan- og vestantil. Hlýnandi, hiti 4 til 10 stig seint á morgun,“ segir í hugleiðingum veðurfræðings.

Spákort fyrir klukkan 14.Veðurstofan

Veðurhorfur á landinu næstu daga

Á þriðjudag: Suðaustan 10-18 m/s og rigning, en hægari og þurrt um landið norðaustanvert fram eftir degi. Lægir vestantil seinnipartinn. Hlýnandi veður, hiti 4 til 10 stig um kvöldið.

Á miðvikudag: Suðvestan 8-13 og skúrir Suðvestan- og vestanlands, en bjartviðri eystra. Hiti 1 til 8 stig.

Á fimmtudag: Austlæg eða breytileg átt, skýjað með köflum og úrkomulítið. Heldur kólnandi.

Á föstudag og laugardag: Norðanátt og él, en þurrt sunnanlands. Hiti kringum frostmark.

Á sunnudag: Útlit fyrir norðanátt með snjókomu eða slyddu norðan- og austantil á landinu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.