Viðskipti innlent

Spá níundu stýri­vaxta­hækkuninni í röð

Tryggvi Páll Tryggvason skrifar
Hagfræðideild Landsbankans spáir því að stýrivextir verði hækkaðir um 0,5 prósentustig í næstu viku.
Hagfræðideild Landsbankans spáir því að stýrivextir verði hækkaðir um 0,5 prósentustig í næstu viku. VÍSIR/VILHELM

Hagfræðideild Landsbankans spáir því að Seðlabanki Íslands muni hækka stýrivexti enn frekar í næstu viku. 

Spá hagfræðideildarinnar hljóðar upp á 0,5 prósentustiga hækkun á stýrivöxtum næstkomandi miðvikudag þegar næsta stýrivaxtaákvörðun peningastefnunefndar Seðlabanka Íslands verður kynnt. Gangi það eftir munu stýrivextir fara úr 5,5 prósent í sex prósent.

Þetta kemur fram í nýrri Hagsjá hagfræðideildar Landsbankans þar sem fram kemur að hagfræðingar bankans telji ekki líklegt að vaxtahækkunarferli Seðlabankans sé lokið. Stýrivextir voru í sögulegu lágmarki í maí á síðasta ári, 0,75 prósent. Síðan þá hafa þeir farið stigvaxandi samhliða hækkandi verðbólgu. 

Í ágúst voru stýrivextir hækkaðir um 0,75 prósentustig, úr 4,75 prósent í 5,5 prósent. Var það áttunda stýrivaxtahækkunin í röð. Sú níunda er því í farvatninu miðað við spá Landsbankans.

Í Hagsjánni segir að Seðlabankinn muni enn þurfa að herða aðhaldið með hækkunum vaxta til þess að koma í veg fyrir að mikil verðbólga festi sig í sessi. Verðbólga hefur farið lítillega hjaðnandi síðustu tvo mánuði og mælist ársverðbólga nú 9,3 prósent. Mest mældist hún í júlí, 9,9 prósent.

„Líkur á að hámark verðbólgunnar hafi verið nú í júlí teljum við vera mjög miklar og þarf ansi margt að ganga á svo að verðbólga mælist hærri en svo á næstu mánuðum. Það sem hefur mikil áhrif á verðbólguþróunina nú um stundir er sá mikli viðsnúningur sem hefur orðið á þróun fasteignaverðs,“ segir í Hagsjánni þar sem vísað er í að kólnun hafi orðið á fasteignamarkaði að undanförnu.

Þar er einnig vísað í að mikilvægt sé að peningastefnunefnd takist að draga úr verðbólguvæntingum, sem hafi tilhneigingu til að að rætast.


Tengdar fréttir

Verðbólgan komin niður í 9,3 prósent

Verðbólga síðustu tólf mánaða heldur áfram að minnka og mældist 9,3 prósent í september. Verð á fötum og skóm og raftækjum til heimilisnota kom helst til hækkunar en verð á flugfargjöldum til lækkunar. 

Vaxtahækkanir biturt meðal sem Seðlabankinn beiti ekki með glöðu geði

Seðlabankastjóri segir ljóst að skarpar vaxtahækkanir bankans hafi borið árangur, þó um sé að ræða biturt meðal. Ísland hafi komið mun betur út en önnur lönd og vonandi hafi toppi verðbólgunnar verið náð. Slæmar horfur í Evrópu, og jafnvel kreppa þegar líða fer á veturinn, geti þó breytt þeirri stöðu. Allir þurfi að vera samstíga til að ná verðbólgunni niður, ekki síst í kjaraviðræðum.

Verðbólga lækkar í fyrsta skipti í langan tíma

Vísitala neysluverðs hækkar um 0,29% frá fyrri mánuði. Vísitalan hefur farið stöðugt hækkandi undanfarið ár en hækkunin á milli mánaða er þó sú lægsta yfir það tímabil. Verðbólgan lækkar úr 9,9 prósentum í 9,7 prósent miðað við síðustu tólf mánuði.

Verðbólgan komin niður í 9,3 prósent

Verðbólga síðustu tólf mánaða heldur áfram að minnka og mældist 9,3 prósent í september. Verð á fötum og skóm og raftækjum til heimilisnota kom helst til hækkunar en verð á flugfargjöldum til lækkunar. 

Öfugmæli að aðgerðir Seðlabankans komi heimilunum illa

Seðlabankastjóri segir að þeir sem gagnrýnt hafi aðgerðir Seðlabankans til að ná niður verðbólgu fari með öfugmælavísur. Verðbólga sé mesti óvinur þeirra verst settu í þjóðfélaginu og nú bendi margt til að aðgerðir til á ná henni niður séu farnar að virka.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.