Gjaldskrá sundlaugarinnar í Grímsnesi standist ekki ákvæði stjórnarskrár Atli Ísleifsson skrifar 29. september 2022 08:00 Björgvin Njáll Ingólfsson kvartaði til Grímsnes- og Grafningshrepps og síðar innviðaráðuneytisins þar sem þeir sem ekki eru með lögheimili í sveitarfélaginu þurfa að greiða nærri þrefalt meira fyrir árskortið í sund á Borg í Grímsnesi, samanborið við þá sem eru þar með lögheimili. vísir Innviðaráðuneytið hefur óskað eftir umsögn sveitarfélagsins Grímsnes- og Grafningshrepps vegna þess fyrirkomulags sveitarfélagsins að láta þá sem ekki eru með lögheimili í sveitarfélaginu greiða margfalt hærra verð fyrir árskort í sund og líkamsrækt á Borg í Grímsnesi, samanborið við þá sem eru skráðir með lögheimili í sveitarfélaginu. Ráðuneytið sendi erindi til sveitarfélagsins fyrr í mánuðinum vegna kvörtunar einstaklings sem hefur óskað eftir úrskurði ráðuneytisins vegna óútskýrðrar mismununar við gjaldtökuna, líkt og þar segir. Vill maðurinn meina að gjaldskrá sundlaugarinnar standist ekki jafnræðisreglu stjórnarskrárinnar, meginregluna um bann við mismunun eftir búsetu og sömuleiðis að gjaldskráin sé ekki í samræmi við lögmætis- eða réttmætisreglu stjórnsýsluréttar. Björgvin Njáll Ingólfsson ákvað að gera eitthvað í málunum.Aðsend Árskortið nærri þrisvar sinnum dýrara Þegar litið er til gjaldskrár íþróttamiðstöðvarinnar að Borg í Grímsnesi segir á heimasíðunni að stakur tími fyrir fullorðna í sund kosti 1.050 krónur. Hægt sé að kaupa árskort í sund og þreksal á 35 þúsund krónur. Á fundi sveitarstjórnar í desember síðastliðinn var ákveðið að halda áfram að bjóða fullorðnum íbúum með lögheimili í sveitarfélaginu árskort í sund, þreksal og íþróttasal á 12 þúsund krónur. Árskortið er því nærri þrisvar sinnum dýrara fyrir þá sem eiga ekki lögheimili í sveitarfélaginu. Ekki er að sjá á heimasíðu íþróttamiðstöðvarinnar að gjaldskrá fyrir íbúa með lögheimili í sveitarfélaginu sé sérstaklega auglýst. Fyrir börn með lögheimili utan Grímsnes- og Grafningshrepps er árskortið á 17.500 krónur, en 4.500 krónur fyrir börn með lögheimili í sveitarfélaginu. Finnst ekkert leiðinlegt að vera með vesen Maðurinn sem kvartaði til sveitarfélagsins og síðar innviðaráðuneytisins heitir Björgvin Njáll Ingólfsson. Hann á sjálfur sumarbústað í Grímsnes- og Grafningshreppi og svíður það að fá ekki að njóta sömu kjara og þeir sem eru með skráð lögheimili í sveitarfélaginu. Björgvin Njáll segir að hann borgi fasteignagjöld og fleira til sveitarfélagsins, en hann geti hins vegar ekki verið með skráð lögheimili þar sem um er að ræða sumarbústað. „Ég er með bústað ekki langt frá Borg í Grímsnesi og datt á sínum tíma í hug að það gæti verið sniðugt að kaupa árskort í sundlaugina, enda sá ég fram á að vera reglulegur gestur þarna í lauginni. En þá tók ég eftir því að það kostaði margfalt meira fyrir mig að fara í sund á Borg samanborið við þá sem eru með lögheimili í hreppnum. Mér finnst augljóst að þetta brjóti í bága við jafnræðisákvæði stjórnarskrárinnar. Svo finnst mér nú ekkert leiðinlegt að búa til smá vesen, svo ég sendi erindi til sveitarfélagsins fyrir um ári,“ segir Björgvin Njáll í samtali við Vísi. Iða Marsibil Jónsdóttir tók við embætti sveitarstjóra Grímsnes- og Grafningshrepps eftir sveitarkosningarnar í maí. Henni hefur verið falið, ásamt lögmanni sveitarfélagsins, að svara ráðuneytinu.GOGG Sveitarstjóra og lögmanni falið að svara ráðuneytinu Erindi ráðuneytisins var tekið fyrir á fundi sveitarstjórnar Grímsnes- og Grafningshrepps í síðustu viku og hefur nýjum sveitarstjóra, Iðu Marsibil Jónsdóttur, verið falið að svara erindinu í samráði við lögmann sveitarfélagsins. Í bréfi ráðuneytisins segir að mat verði lagt á hvort að tilefni sé til að taka stjórnsýslu sveitarfélagsins vegna gjaldskrárinnar til formlegrar umfjöllunar á grundvelli sveitarstjórnarlaga. Björgvin Njáll sendi fyrst kvörtun til sveitarstjórnar vegna málsins sumarið 2021 og barst honum svar frá þáverandi sveitarstjóra, Ingibjörgu Harðardóttur, í september sama ár. Í svari sveitarstjórans, sem fréttastofa hefur undir höndum, er lögð áhersla á að rekstur sundlauga sé ólögbundið verkefni sveitarfélaga. Rekin í þágu íbúa sveitarfélagsins Í niðurlagi bréfsins segir að sundlaugin og þreksalurinn séu opin öllum óháð búsetu. „Eini munurinn er sá að íbúar sveitarfélagsins geta keypt árskort á hagstæðara verði en þeir sem eru með lögheimili utan sveitarfélagsins. Ástæða þess að íbúar sveitarfélagsins geta keypt árskort á hagstæðara verði en þeir sem eru með lögheimili utan sveitarfélagsins er annars vegar súað íþróttamiðstöðin er rekin af sveitarfélaginu í þágu íbúa þess […] Reynslan sýnir að afslátturinn hefur stóraukið notkun íbúa á sundlauginni og ekki síst yfir vetrartímann. Þannig má fullyrða að ákvörðun um lækkun gjalda til íbúa hafi stuðlað að bættri lýðheilsu og aukinni hreyfingu íbúa sveitarfélagsins. Borg í Grímsnesi.South.is Hins vegar greiða íbúar útsvar til sveitarfélagsins, sem er meðal annars nýtt til að fjármagna rekstur sundlaugarinnar til viðbótar við aðgangseyrinn. Sama gildir ekki um þá gesti íþróttamiðstöðvarinnar sem eru með lögheimili í öðrum sveitarfélögum. Af þessum sökum telur sveitarfélagið að það sé eðlilegt og málefnanlegt að íbúar fái afslátt af árskortum í íþróttamiðstöðina,“ segir í svari sveitarstjórans þáverandi. Innviðaráðuneytið óskar eftir umsögn frá sveitarfélaginu vegna málsins fyrir 3. október næstkomandi. Grímsnes- og Grafningshreppur Sundlaugar Neytendur Sveitarstjórnarmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Sjö fluttir með þyrlu eftir rútuslys á Suðurlandi Innlent Allir um borð í rútunni Íslendingar Innlent Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent Enginn kemst sjálfkrafa í könnunarhóp Prósents Innlent „Það er svo ótrúlega erfitt að vera synjað um að hitta börnin sín” Innlent Sagður hafa slegið eiginkonu sína ítrekað með steikarpönnu Innlent Fjölda saknað eftir loftárás á byggingavöruverslun Erlent Lögreglan náði lausum grís Innlent „Þetta er bara strangheiðarleg jarðskjálftahrina“ Innlent Fleiri fréttir Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu „Það er svo ótrúlega erfitt að vera synjað um að hitta börnin sín” Sex handteknir í átaki gegn ólöglegri atvinnustarfsemi Segir Enok hafa setið fyrir manni sem stakk hann hálfu ári áður Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Sjá meira
Ráðuneytið sendi erindi til sveitarfélagsins fyrr í mánuðinum vegna kvörtunar einstaklings sem hefur óskað eftir úrskurði ráðuneytisins vegna óútskýrðrar mismununar við gjaldtökuna, líkt og þar segir. Vill maðurinn meina að gjaldskrá sundlaugarinnar standist ekki jafnræðisreglu stjórnarskrárinnar, meginregluna um bann við mismunun eftir búsetu og sömuleiðis að gjaldskráin sé ekki í samræmi við lögmætis- eða réttmætisreglu stjórnsýsluréttar. Björgvin Njáll Ingólfsson ákvað að gera eitthvað í málunum.Aðsend Árskortið nærri þrisvar sinnum dýrara Þegar litið er til gjaldskrár íþróttamiðstöðvarinnar að Borg í Grímsnesi segir á heimasíðunni að stakur tími fyrir fullorðna í sund kosti 1.050 krónur. Hægt sé að kaupa árskort í sund og þreksal á 35 þúsund krónur. Á fundi sveitarstjórnar í desember síðastliðinn var ákveðið að halda áfram að bjóða fullorðnum íbúum með lögheimili í sveitarfélaginu árskort í sund, þreksal og íþróttasal á 12 þúsund krónur. Árskortið er því nærri þrisvar sinnum dýrara fyrir þá sem eiga ekki lögheimili í sveitarfélaginu. Ekki er að sjá á heimasíðu íþróttamiðstöðvarinnar að gjaldskrá fyrir íbúa með lögheimili í sveitarfélaginu sé sérstaklega auglýst. Fyrir börn með lögheimili utan Grímsnes- og Grafningshrepps er árskortið á 17.500 krónur, en 4.500 krónur fyrir börn með lögheimili í sveitarfélaginu. Finnst ekkert leiðinlegt að vera með vesen Maðurinn sem kvartaði til sveitarfélagsins og síðar innviðaráðuneytisins heitir Björgvin Njáll Ingólfsson. Hann á sjálfur sumarbústað í Grímsnes- og Grafningshreppi og svíður það að fá ekki að njóta sömu kjara og þeir sem eru með skráð lögheimili í sveitarfélaginu. Björgvin Njáll segir að hann borgi fasteignagjöld og fleira til sveitarfélagsins, en hann geti hins vegar ekki verið með skráð lögheimili þar sem um er að ræða sumarbústað. „Ég er með bústað ekki langt frá Borg í Grímsnesi og datt á sínum tíma í hug að það gæti verið sniðugt að kaupa árskort í sundlaugina, enda sá ég fram á að vera reglulegur gestur þarna í lauginni. En þá tók ég eftir því að það kostaði margfalt meira fyrir mig að fara í sund á Borg samanborið við þá sem eru með lögheimili í hreppnum. Mér finnst augljóst að þetta brjóti í bága við jafnræðisákvæði stjórnarskrárinnar. Svo finnst mér nú ekkert leiðinlegt að búa til smá vesen, svo ég sendi erindi til sveitarfélagsins fyrir um ári,“ segir Björgvin Njáll í samtali við Vísi. Iða Marsibil Jónsdóttir tók við embætti sveitarstjóra Grímsnes- og Grafningshrepps eftir sveitarkosningarnar í maí. Henni hefur verið falið, ásamt lögmanni sveitarfélagsins, að svara ráðuneytinu.GOGG Sveitarstjóra og lögmanni falið að svara ráðuneytinu Erindi ráðuneytisins var tekið fyrir á fundi sveitarstjórnar Grímsnes- og Grafningshrepps í síðustu viku og hefur nýjum sveitarstjóra, Iðu Marsibil Jónsdóttur, verið falið að svara erindinu í samráði við lögmann sveitarfélagsins. Í bréfi ráðuneytisins segir að mat verði lagt á hvort að tilefni sé til að taka stjórnsýslu sveitarfélagsins vegna gjaldskrárinnar til formlegrar umfjöllunar á grundvelli sveitarstjórnarlaga. Björgvin Njáll sendi fyrst kvörtun til sveitarstjórnar vegna málsins sumarið 2021 og barst honum svar frá þáverandi sveitarstjóra, Ingibjörgu Harðardóttur, í september sama ár. Í svari sveitarstjórans, sem fréttastofa hefur undir höndum, er lögð áhersla á að rekstur sundlauga sé ólögbundið verkefni sveitarfélaga. Rekin í þágu íbúa sveitarfélagsins Í niðurlagi bréfsins segir að sundlaugin og þreksalurinn séu opin öllum óháð búsetu. „Eini munurinn er sá að íbúar sveitarfélagsins geta keypt árskort á hagstæðara verði en þeir sem eru með lögheimili utan sveitarfélagsins. Ástæða þess að íbúar sveitarfélagsins geta keypt árskort á hagstæðara verði en þeir sem eru með lögheimili utan sveitarfélagsins er annars vegar súað íþróttamiðstöðin er rekin af sveitarfélaginu í þágu íbúa þess […] Reynslan sýnir að afslátturinn hefur stóraukið notkun íbúa á sundlauginni og ekki síst yfir vetrartímann. Þannig má fullyrða að ákvörðun um lækkun gjalda til íbúa hafi stuðlað að bættri lýðheilsu og aukinni hreyfingu íbúa sveitarfélagsins. Borg í Grímsnesi.South.is Hins vegar greiða íbúar útsvar til sveitarfélagsins, sem er meðal annars nýtt til að fjármagna rekstur sundlaugarinnar til viðbótar við aðgangseyrinn. Sama gildir ekki um þá gesti íþróttamiðstöðvarinnar sem eru með lögheimili í öðrum sveitarfélögum. Af þessum sökum telur sveitarfélagið að það sé eðlilegt og málefnanlegt að íbúar fái afslátt af árskortum í íþróttamiðstöðina,“ segir í svari sveitarstjórans þáverandi. Innviðaráðuneytið óskar eftir umsögn frá sveitarfélaginu vegna málsins fyrir 3. október næstkomandi.
Grímsnes- og Grafningshreppur Sundlaugar Neytendur Sveitarstjórnarmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Sjö fluttir með þyrlu eftir rútuslys á Suðurlandi Innlent Allir um borð í rútunni Íslendingar Innlent Segir Enok hafa setið fyrir manni sem stakk hann hálfu ári áður Innlent „Við munum vinna þennan slag“ Erlent Enginn kemst sjálfkrafa í könnunarhóp Prósents Innlent „Það er svo ótrúlega erfitt að vera synjað um að hitta börnin sín” Innlent Sagður hafa slegið eiginkonu sína ítrekað með steikarpönnu Innlent Fjölda saknað eftir loftárás á byggingavöruverslun Erlent Lögreglan náði lausum grís Innlent „Þetta er bara strangheiðarleg jarðskjálftahrina“ Innlent Fleiri fréttir Auglýst eftir ungum og efnilegum hökkurum Allir um borð í rútunni Íslendingar Óttast eyðileggingu íslenskrar brimbrettamenningar Geir og Jóhanna lýsa yfir stuðningi við Höllu Hrund Bregst við áhyggjum af áfengissölu og áhyggjur brimbrettakappa Sjö fluttir með þyrlu eftir rútuslys á Suðurlandi Lögreglan náði lausum grís Enginn kemst sjálfkrafa í könnunarhóp Prósents Afmælisstemming hjá Eldstó á Hvolsvelli Líst illa á áfengissölu Hagkaups: „Ég tel bara að það þurfi að fara að lögum“ Þrjátíu og fimm kílómetrar í kjörstað Enginn einn frambjóðandi augljós keppinautur Katrínar „Þetta er bara strangheiðarleg jarðskjálftahrina“ Segir fyrirhugaða áfengissölu Hagkaups lögbrot og jarðskjálftahrina í Hengli Bjarkey kemur starfsfólki matvælaráðuneytisins til varnar Málþing um stöðluð greiningar- og meðferðarferli Spá goslokum á Sundhnúksgígaröð í lok júlí Sagður hafa slegið eiginkonu sína ítrekað með steikarpönnu „Það er svo ótrúlega erfitt að vera synjað um að hitta börnin sín” Sex handteknir í átaki gegn ólöglegri atvinnustarfsemi Segir Enok hafa setið fyrir manni sem stakk hann hálfu ári áður Svipað og frekar róleg haustlægð Yrði stærsta lýðheilsuslys Íslandssögunnar Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra Rúta brann til kaldra kola við Sóltún Mikill harmleikur en skýrir farvegir Tamningakona sýknuð af bótakröfu vegna reiðslyss Aukinn viðbúnaður í verðmætaflutningum og óveður í beinni Stöðvaði innbrotsþjóf sem var hálfur inni í bílnum Katrín að taka afgerandi forystu Sjá meira
Veita viðtal um Hamraborgarmálið í fyrsta sinn: Viðvörunarkerfi í bílnum hefði getað gert illt verra