Lífið

Fer nýjar leiðir í leit að næsta kærasta

Elma Rut Valtýsdóttir skrifar
Athafnakonan og raunveruleikastjarnan Kim Kardashian er byrjuð að undirbúa sín næstu skref í ástarlífinu.
Athafnakonan og raunveruleikastjarnan Kim Kardashian er byrjuð að undirbúa sín næstu skref í ástarlífinu. Getty/Gotham

Kim Kardashian segist ætla að fara nýjar leiðir í leit að næsta kærasta. Athafnakonan heimsfræga er nú einhleyp eftir að sambandi hennar við grínistann Pete Davidson lauk nú í sumar.

Kim var gestur í spjallþættinum The Late Late Show í gærkvöldi. Þar spurði þáttastjórnandinn James Corden hana út í ástarlífið. Hann velti því fyrir sér hvort það væri ekki flókið fyrir konur eins og Kim að fara á stefnumót.

„Ég hef í rauninni ekki leitt hugann að því. Í augnablikinu er ég ekki að leita að neinu. Ég ætla bara að taka því rólega,“ sagði Kim.

Kim Kardashian átti í átta ára löngu ástarsambandi við tónlistarmanninn Kanye West.EPA/RINGO CHIU

Síðustu kærastar hafa verið í skemmtanabransanum

Kim átti í átta ára ástarsambandi við tónlistarmanninn Kanye West og eiga þau fjögur börn saman. Kim sótti um skilnað í febrúar árið 2021. Í október sama ár kynntist hún grínistanum Pete Davidson og fóru þau í kjölfarið að stinga saman nefjum.

Í ágúst bárust þær fregnir að Kim og Pete hefðu slitið sambandinu og tekið þá ákvörðun að vera bara vinir.

Kim segist nú þurfa smá tíma fyrir sjálfa sig og ætlar hún að einbeita sér að því að klára lögfræðinámið. En þegar sá tími kemur að hún verði tilbúin í nýtt samband segist Kim ætla að prófa nýjar aðferðir.

Kim Kardashian og grínstinn Pete Davidson slitu sambandi sínu nú í sumar.GETTY/ GOTHAM

Hefur augastað á læknum, vísindamönnum og lögfræðingum

„Ég held að næsti leikur hjá mér verði öðruvísi. Mér líður eins og ég þurfi að gera eitthvað öðruvísi og kanna nýjar slóðir. Því það sem ég hef verið að gera hingað til hefur augljóslega ekki verið að virka.“

„Kannski fer á ég spítala og hitti lækni, eða jafnvel á lögmannsstofu. Ég held að það verði vísindamaður, taugasérfræðingur, lífefnafræðingur, læknir eða lögfræðingur. Það er kannski það sem ég sé fyrir mér.“

Þáttastjórnandinn James Cordon slær á létta strengi og segir að nú muni fólk ekki láta sér bregða við það að sjá myndir af Kim að sniglast fyrir utan geimvísindastofnunina NASA.


Tengdar fréttir

Mætti með kærastann á frum­sýninguna

Raunveruleikastjarnan og athafnakonan Kim Kardashian mætti með kærasta sínum, grínistanum Pete Davidson, á frumsýningu á nýjum raunveruleikaþætti Kardashian fjölskyldunnar í gær.

Kim Kardashian hefur sótt um skilnað

Kim Kardashian West er sögð hafa sótt um skilnað frá eiginmanni sínum, rapparanum Kanye West. Hún fari fram á sameiginlegt forræði yfir fjórum börnum þeirra þar sem þau vilji skilja í sátt.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.