Tíska og hönnun

Tanja Ýr leggur augnhárin á hilluna

Sylvía Rut Sigfúsdóttir skrifar
Tanja Ýr Ástþórsdóttir leggur sitt fyrsta fyrirtæki á hilluna.
Tanja Ýr Ástþórsdóttir leggur sitt fyrsta fyrirtæki á hilluna. Instagram/Tanja Ýr

Frumkvöðullinn og samfélagsmiðlastjarnan Tanja Ýr Ástþórsdóttir hefur ákveðið að hætta með augnháramerki sitt Tanja Ýr Cosmetics. Ætlar hún að einbeita sér að öðrum verkefnum.

Tanja Ýr er annar eiganda Glamista Hair sem selur hárlengingar og tengdar vörur. Hún heldur auk þess námskeið í markaðssetningu og öðru tengdu sjálfstæðum rekstri. 

Í færslu sem birt var á samfélagsmiðlum í dag segist Tanja Ýr ætla að aðstoða aðra við markaðssetningu og að búa til eigið vörumerki. Einnig ætlar hún að fara af stað með nýtt hlaðvarp. Augnháramerkið var byrjunin á viðskiptaferli Tönju en hún hefur einnig á síðustu árum selt skartgripi og fleira. 

„Ég verð alltaf ævinlega þakklát fyrir hvað þetta vörumerki kenndi mér þvílíkt margt,“ skrifar Tanja Ýr meðal annars í færsluna.  

„Það hefur alltaf verið markmiðið mitt að gefa út vörur sem eru betri, öðruvísi eða skemmtilegri en þær sem eru á markaði og mér tókst það í ansi mörg ár. Hinsvegar er ég komin á allt annan stað í dag.“

Tanja Ýr segist ætla að setja áherslu á að vera að vinna í aðeins færri hlutum og gera þá enn betur. 


Tengdar fréttir

Tanja Ýr er komin aftur í samband

Áhrifavaldurinn Tanja Ýr Ástþórsdóttir er komin með nýjan kærasta. Hún sagði frá þessu á Instagram í gær og birti af honum myndir.

Kveður sólina og flytur til Manchester

Athafnakonan og samfélagsmiðlastjarnan Tanja Ýr Ástþórsdóttir er að flytja til Manchester. Hún sagði frá því á Instagram að þar væri planið að koma hárlengingamerkinu Glamista hair í verslanir erlendis. 






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.