Körfubolti

ÍR fær leik­mann frá Eist­landi

Runólfur Trausti Þórhallsson skrifar
Martin Paasoja í landsleik gegn Þýskalandi árið 2018 er hann var enn með hár.
Martin Paasoja í landsleik gegn Þýskalandi árið 2018 er hann var enn með hár. Raigo Pajula/Getty Images

ÍR hefur samið við Martin Paasoja um að leika með liðinu í Subway deild karla í körfubolta á komandi leiktíð.

Paasoja er 29 ára gamall og kemur frá Eistlandi og spilaði síðast í sameiginlegri úrvalsdeild Eistlands og Lettlands. Þar skoraði hann að meðaltali tíu stig í leik á síðustu leiktíð ásamt því að taka fjögur fráköst og stela þremur boltum.

Paasoja, sem á að baki 18 A-landsleiki fyrir Eistland, hefur komið víða við og meðal annars spilað sem atvinnumaður í Rúmeníu, Grikklandi og á Spáni.

ÍR mætir Njarðvík í fyrstu umferð Subway deildar karla þann 6. október næstkomandi.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.