Opið verður fyrir ferðamenn að ganga í átt að eldgosinu í Meradölum í dag. Gossvæðinu var lokað í gær en lokunaraðgerðir gengu vel samkvæmt viðbragðsaðilum.
Þetta kemur fram í tilkynningu frá lögreglustjóranum á Suðurnesjum en viðbragðsaðilar funduðu í morgun um stöðu mála.
Tekin var ákvörðun um að gossvæðið yrði opið í dag en veðurspá á svæðinu lítur ágætlega út. Norðaustan fimm til tíu metrar á sekúndu. Gasmengunar gæti orðið vart í Grindavík en þegar líður á daginn er spáð norðvestlægri átt.
Dregið gæti að goslokum á næstu dögum að mati eldfjallafræðings þar sem hraunflæðið nálgast lágmarksþröskuld. Lokað er inn á svæðið í dag vegna veðurs
Matvælastofnun (MAST) ræður fólki eindregið frá því að taka hunda og önnur dýr með að gosstöðvunum í Meradölum. Mengun getur haft afar skaðleg áhrif á dýrin.
