Veður

Gular við­varanir á Suð­vestur­horninu á morgun

Hallgerður Kolbrún E. Jónsdóttir skrifar
Varað er við hvassviðri og rigningu á Suðvesturhorninu og Miðhálendinu á morgun. 
Varað er við hvassviðri og rigningu á Suðvesturhorninu og Miðhálendinu á morgun.  Vísir/Vilhelm

Gular veðurviðvaranir hafa verið gefnar út fyrir Suðvesturhornið og Miðhálendið á morgun, miðvikudag. Suðaustan hvassviðri eða stormi og mikilli úrkomu er spáð á svæðinu. 

Á Suðurlandi taka viðvaranir gildi klukkan sex í fyrramálið og gilda fram að hádegi. Búast má við Suðaustan hvassviðri eða stormi, 15-23 m/s og rigningu. Búast má við snörpum vindhviðum við fjöll sem náð geta um 30 m/s. Fram kemur á vef Veðurstofunnar að varasamt sé fyrir ökutæki sem taka á sig mikinn vind að vera á ferðinni og að ekkert útivistarveður verði á meðan vðrið gengur yfir. Þá var tilkynnt fyrr í dag að lokað verði að gosstöðvunum í Meradölum á morgun vegna veðurs.

Gular viðvaranir taka gildi á Suðurlandi, Miðhálendinu og við Faxaflóa í fyrramálið.Skjáskot/Veðurstofa Íslands

Við Faxaflóa taka viðvaranir gildi klukkan sjö í fyrramálið og gilda til klukkan eitt eftir hádegi. Búast má við suðaustan hvassviðri, 13-20 m/s og rigningu. Þá megi búast við mjög snörpum vindhviðum við fjöll sem náð geti 25 m/s, einkum á Kjalarnesi og undir Hafnarfjalli. Aftur er varað við að ökutæki sem taka á sig mikinn vind séu á ferðinni og sömuleiðis að ekkert útivistarveður verði.

Þá má búast við suðaustan stormi á Miðhálendinu, þar sem viðvaranir taka gildi klukkan sjö í fyrramálið og gilda til klukkan 17 síðdegis. Vindur verði á bilinu 18-25 m/s og búast megi við snörpum vindhviðum við fjöll sem nái um 35 m/s. Hvassast verði í hviðum norðvestan jökla og varasamar eða hættulegar aðstæður geti skapast fyrir ferðamenn og útivistarfólk. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.