Innlent

Þrettán ára ung­lingur ætlaði að sækja fé­laga sinn

Árni Sæberg skrifar
Hér á landi mega þrettán ára börn alls ekki aka bifreiðum. Myndin tengist fréttinni ekki beint.
Hér á landi mega þrettán ára börn alls ekki aka bifreiðum. Myndin tengist fréttinni ekki beint. Robb Reece/Getty

Laust fyrir klukkan fjögur í nótt var ökumaður stöðvaður af lögreglu í Hafnarfirði. Sá reyndist aldrei hafa öðlast ökuréttindi enda aðeins þrettán ára gamall.

Þrír farþegar voru í bílnum og voru þeir á aldrinum þrettán til fimmtán ára. Spurðir hvert erindi þeirra væri kváðust þeir vera að sækja vin sinn í Hafnarfjörð en þeir höfðu komið úr alla leið frá Reykjanesbæ.

Málið var unnið með aðkomu foreldra og tilkynningu til Barnaverndar, að því er segir í dagbók lögreglu.

Þá voru ungmenni einnig til ama í Elliðaárdal en tilkynnt var um partí þar sem um tvö til þrjú hundruð unglingar höfðu safnast saman, að sögn tilkynnanda. Lögregla þurfti að hafa afskipti af nokkrum þar sem áfengi var hellt niður og hringt í foreldra.

Lögreglumál Hafnarfjörður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið