Sport

Bein útsending: Íslendingar á þriðja degi heimsleikanna í CrossFit

Óskar Ófeigur Jónsson skrifar
Íslensku keppendurnir á heimsleikunum í ár.
Íslensku keppendurnir á heimsleikunum í ár. Instagram/@anniethorisdottir

Heimsleikarnir í CrossFit er nú komnir á fulla ferð eftir smá rugling og breytingar á dagskrá fyrstu tvo dagana. Það verður nóg að gera í dag.

Hér fyrir neðan má sjá beina útsendingu frá keppni dagsins en þar er keppt í karla- og kvennaflokki, í liðakeppni og í einstökum aldursflokkum. Ísland á flotta þátttakendur á öllum stöðum.

Björgvin Karl Guðmundsson keppir í karlakeppninni en þetta eru hans níundu heimsleikar. Hann er í þrettánda sæti eftir tvo keppnisdaga.

Þuríður Erla Helgadóttir keppir í kvennakeppninni en þetta eru hennar sjöundu heimsleikar. Hún er í tíunda sæti eftir tvo keppnisdaga.

Sólveig Sigurðardóttir keppir í kvennakeppninni en þetta eru hennar fyrstu heimsleikar í einstaklingskeppni en þriðju heimsleikarnir samtals. Hún er í 38. sæti eftir tvo keppnisdaga.

Anníe Mist Þórisdóttir fer fyrir liði CrossFit Reykjavíkur en liðsfélagar hennar eru Lauren Fisher, Khan Porter og Tola Morakinyo. Anníe Mist er að keppa á sínum tólftu heimsleikum. Þau eru í fimmta sæti eftir tvo keppnisdaga.

Ísland á tvo fulltrúa í unglingakeppninni. Rökkvi Hrafn Guðnason keppir í flokki 16 til 17 ára pilta og Bergrós Björnsdóttir keppir í flokki 14 til 15 ára stelpna.

Rökkvi Hrafn er í áttunda sæti eftir fyrsta keppnisdag en Bergrós er í sjöunda sæti.

Það er hægt að fylgjast með beinni útsendingu frá öðrum keppnisdeginum hér fyrir ofan og neðan. Fyrir ofan er keppni fullorðinna en hér fyrir neðan má sjá unga fólkið keppa.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.