Lífið

„Draumur sem ég gerði að plani“

Elísabet Hanna skrifar
Victor segir það óþarft að velja bara einn feril.
Victor segir það óþarft að velja bara einn feril. Skjáskot/Instagram/Samsett

Tónlistarmaðurinn Doctor Victor er þúsundþjalasmiður, hann starfar sem læknir á daginn og fer svo og þeytir skífum og vinnur að tónlist utan þess. Hann segist hafa fengið „aha“ augnablik á fyrsta dj gigginu sínu í Slóvakíu, þar sem hann var í læknisnámi og í framhaldinu ákveðið að elta báða draumana.

Nýtur vegferðarinnar

Hann segir það mikilvægt að segja já við tækifærum og vera óhræddur við að fá nei: „Annaðhvort færðu já eða nei, það er ekkert mikið verra en það, þú færð bara nei og það tekur þig áfram.“ Hann segist ennþá vera að þróa sig sem tónlistarmann en nýtur vegferðarinnar að markmiðunum í stað þess að einblína á endamarkmiðið og halda að hamingjan leynist þar.

Þegar hann var ungur fékk hann að gjöf píanó sem gat skipti um hljóð og hugsaði þá: „Þetta er eitthvað sem mig langar að gera, mig langar einhvern veginn að búa til lag úr þessum hljóðum. [...] Þar plantaðist eitthvað fræ sem var einhver draumur sem ég gerði að plani.“

Victor var gestur hjá Kristjáni Hafþórssyni í Jákastinu þar sem hann ræðir meðal annars svefn, hreyfingu, mataræði, andlegu hliðina, upphaf tónlistarferilsins og skipulagið sem fylgir því að vera læknir og tónlistarmaður á sama tíma. Þáttinn má heyra í heild sinni hér að neðan:

Þemalag Vetrarólympíuleikanna

Runólfur Oddsson, ræðismaður í Slóvakíu og frændi Victors, sýndi aðilum sem komu að Vetrarólympíuleikunum í Bejing tónlistina hans. Í framhaldinu fékk að hann boð frá sjón­varps­stöðinni China In­ternati­onal Televisi­on Network um að koma að laginu fyrir keppnina.

„Þeir vildu fá þennan Íslending með í þetta project. Það voru fjórir artistar sem komu að þessu: Tveir Kínverjar, einn Ítali og ég. Þetta bara þróaðist út í stórt project,“ segir hann um tækifærið. Lagið heit­ir Embrace og tákn­ar sam­stöðuna sem Ólymp­íu­leik­ar standa fyr­ir.

Lag með Rúrik

„Hann var náttúrulega í þessum dansþætti þarna í Þýskalandi,“ segir hann um Rúrik sem hann vann með að fyrsta lagi kappans: Older . „Þetta var spilað náttúrulega bara á stærstu sjónvarpsstöðinni þar og á útvarpsstöðvunum, þetta var alveg ótrúlegt,“ segir hann. Í dag, eftir samstarfið, segir hann þá orðna bestu vini sem peppa hvorn annan áfram þegar kemur að hreyfingu og tónlist. 


Tengdar fréttir

Doctor Victor, Daníel Ágúst og Bomarz sameina krafta sína með dansvænu lagi

Tónlistarmennirnir Doctor Victor, Daníel Ágúst og Bomarz fara dansandi inn í sumarið þar sem þeir voru að senda frá sér lagið Dansarinn (Club Edit). Upprunalega lagið var gefið út eftir samnefnda bók eftir Óskar Guðmundsson á vegum Storytel en ákveðið var að gera glænýja útgáfu.

Rúrik var syngjandi górilla í Þýskalandi

Rúrik Gíslason tók nýlega þátt í þýsku útgáfunni af þáttunum The Masked Singer. Á Instagram-síðu sinni segist hann vera þakklátur fyrir reynsluna sem hann öðlaðist í keppninni. 

Læknaneminn sem gaf út vinsælasta lag landsins í sumar heiðraður í Slóvakíu

Læknaneminn Victor Guðmundsson, betur þekktur sem tónlistarmaðurinn Doctor Victor, hlaut í síðustu viku heiðursverðlaun frá borgarstjóranum í Martin í Slóvakíu þar sem hann stundar læknanám fyrir störf sín í þágu menningar, góðgerðarmála og listar, en er þetta í fyrsta sinn sem nemanda er veitt þessi verðlaun þar úti.

Ingó, Doctor Victor og Gummi Tóta með annað sumarlag

Tónlistarmaðurinn og læknirinn Victor Guðmundsson, betur þekktur sem Doctor Victor, gaf í dag út lagið Gírinn ásamt bræðrunum Ingó Veðurguð og Gumma Tóta, en það er annað lagið sem þeir félagar gefa út saman.

Doctor Victor, Gummi Tóta og Ingó Veðurguð gefa út sumarsmell

Tónlistarmaðurinn Doctor Victor gaf í dag út glænýtt lag fyrir sumarhátíðina Sumargleðin ásamt þeim bræðrum Guðmundi Þórarinssyni og Ingó Veðurguði, en lagið er þemalag hátíðarinnar og jafnframt skemmtileg blanda af mismunandi tónlistarstílum þeirra þriggja.

Íslenskur læknanemi gefur út tónlistarmyndband

Fimmta árs læknaneminn Victor Guðmundsson, betur þekktur sem tónlistarmaðurinn og plötusnúðurinn Doctor Victor frumsýnir í dag nýtt tónlistarmyndband við lagið Somebody Like You.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.