BNA klofin þjóð og ótryggur bandamaður Ole Anton Bieltvedt skrifar 13. júlí 2022 08:00 Árásarstríð Pútíns á Úkraínumenn hefur vakið upp spurninguna um varnir og öryggi annarra Evrópu-landa, líka þá auðvitað okkar Íslendinga. Dýramætasta eigin Á Íslandi telja ýmsir, að Bandaríki Norður Ameríku (BNA) tryggi okkur, íbúum hins vestræna heims, og okkur Íslendingum með, öryggi og frelsi, menningu okkar, lífshætti og velferð til frambúðar. Þetta, það dýrmætasta, sem við eigum, standi fyrir tilstyrk BNA traustum fótum, á bjargi. Hættuleg grunnhyggja Fáfræði og skilningsleysi þessa fólks er fyrir mér á háu og hættulegu stigi. Fáfræði og skilningsleysi eru erfið viðureignar. Þar fer eins um staðreyndir og röksemdir, eins og vatnið, sem skvett er á gæs. Á Alþingi og víðar í þjóðfélaginu, í háum og valdamiklum stöðum, situr fólk, sem er sannfært um, að BNA veiti okkur framtíðaröryggi á öllum sviðum. En það stenzt ekki. BNA er klofin þjóð Þar takast á tvær andstæðar fylkingar, annars vegar mikillar íhaldssemi og heimóttarskapar, þar sem þröngsýni, þekkingarleysi og sjálfsdýrkun ráða för, og, hins vegar, frjálslyndrar, mannúðlegrar og ábyrgrar alþjóðahyggju, þar sem þekking, víðsýni og tillitssemi við aðra sitja í fyrirrúmi. Þessi klofningur kemur t.a.m. fram í afstöðu til réttar einstaklinga, frá 18 ára aldri, til vopnaburðar, til réttar kvenna til fóstureyðingar, til afstöðu þeirra, sem minnst mega sín í þjóðfélaginu og réttar þeirra til réttlætis og velferðar svo og til afstöðunnar til alþjóðasamvinnu. Donald Trump „America First“ voru slagorð Trumps, sem fyrri fylkingin studdi og var tilbúin til að rústa sínu eigin þjóðþingi, Capitol, fyrir, og heimta í leiðinni, að varaforsetinn yrði hengdur. Höfðu gálgann með. Segja þessi slagorð sína sögu um afstöðu Trumps og fylgismanna hans til annarra þjóða. Bezti vitnisburðurinn um ástandið í BNA er þó kannske sá, að fávís, þröngsýnn og sjálfumglaður ribbaldi, eins og Donald Trump, skyldi vera kosinn forseti landsins. Trump taldi, að hagsmunir BNA ættu að ganga fyrir öllu, að loftslagsváin og umhverfispilling væri tilbúningur, fake news, enda sagði hann BNA frá Parísarsamkomulagi 200 þjóða heims og leyfði stórfelld ný loftlags- og náttúruspjöll í sínu eigin land, jafnframt því sem hann velti upp þeirri hugmynd, að gott kynni að vera, að drekka klórblöndu við COVID. Til að komast yfir konu, taldi Trump snjallt að grípa í klof hennar: “Grab them by the pussy“. Góðvinir Trumps Trump taldi Pútin og Kim Jong-un góða menn og merka, enda naut hann ótæpilegs stuðnings þess fyrrnefnda í kosningabaráttunni 2016, þar sem ekkert var til sparað af áróðri og ósannindum á netinu, til að tryggja Trump brautargengi. Varð þar til gagnkvæm vinsemd, nánast bræðralag. Hefði Trump vart staðið gegn árásarstríði Pútíns í Úkraínu, hefði hann verið endurkosinn 2020. Vel fór líka á með Trump og Bolsonaro í Braselíu, sem leyfði stóraukinn ágang á „lungu jarðar“, regnskógana í Amazon. NATO sett í uppnám Í júlí 2018 mætti Trump á NATO-fund í Brussel, þar sem hann hótaði öðrum aðildarþjóðum, að, ef þær settu ekki þá fjármuni í varnarmál, sem stefnt var á, myndi hann „do his own thing“. Aðspurður, hvað þetta þýddi, hvort BNA myndu ekki verja önnur NATO-lönd gegn mögulegri árás Rússa, ef ekki væri greitt, svaraði Trump: „That´s exactly what it means“. Trump gaf líka til kynna, að það orkaði mikils tvímælis, hvort verja ætti smáþjóð, eins og „tiny Montenegro“, sem þá var nýr NATO-meðlimur. Öryggisráðgjafi Trump, John Bolton, sem var með honum á ráð-stefnunni, segir í bók sinni „The Room Where it Happened“, að hann hafi verið með lífið í lúkunum, „I had my heart in my throat“, að Trump myndi segja BNA úr NATO á þessum fundi. Í viðtali við The Washington Post bætti hann við, að hann væri sannfærður um, að Trump hefði sagt BNA úr NATO, hefði hann verið endurkosinn 2020. Hvað með „tiny Iceland“? Sem stendur ræður fylkingin, sem við getum treyst, í BNA. En hversu lengi verður það? Aftur verður kosið 2024. Hverjum veita Bandaríkamenn þá völdin? Donald Trump, eða einhverjum hans líka? Ef Rússum eða Kínverjum skildi þóknast að hertaka eyjuna litlu, „tiny Iceland“, norður í Dumbshafi, til að tryggja tökin á Norðurslóðum, hvað skyldi þá Trump, eða annar slíkur, gera, ef BNA væri þá enn í NATO? Evrópa verður að standa á eigin fótum Við getum ekki treyst á BNA með varnir, frelsi og öryggi Evrópu. Heldur ekki á Tyrki, sem búa yfir öðrum fjölmennasta her NATO-ríkjanna. ESB-löndin 27 mynda kjarna Evrópuþjóða. ESB býr yfir gífurlegum efnahagsstyrk, sem nú verður að færa yfir í varnar- og hernaðarstyrk, í framtíðinni verður hvorttveggja að koma til, og verður Ísland að gerast fullur þátttakandi í þessu samstarfi evrópskra systra- og bræðraþjóða okkar. Gætum loks látið til okkar taka Við fengjum þá líka loks setu við borðið, fengjum okkar eiginn kommissar, gætum látið til okkar taka og rödd okkar heyrast í samfélagi evrópskra þjóða, þar sem litlu þjóðirnar hafa líka sterka rödd og afgerandi völd; neitunarvald í öllum stærri málum. Viltu birta grein á Vísi? Sendu okkur póst. Senda grein Bandaríkin Innrás Rússa í Úkraínu Utanríkismál Donald Trump Ole Anton Bieltvedt Mest lesið Ákall til allra velunnara Sólheima í Grímsnesi Ingibjörg Rósa Björnsdóttir Skoðun Að þétta byggð Halldór Eiríksson Skoðun Of lítið, of seint! Hjálmtýr Heiðdal,Magnús Magnússon Skoðun Öfgamaður deyr Andri Þorvarðarson Skoðun Er það ekki sjálfsögð krafa að fá bílastæði? Aðalsteinn Haukur Sverrisson Skoðun Hver hagnast á hatrinu? Halldóra Mogensen Skoðun Speglar geta aðeins logið – um hlutlægni, huglægni og mennskuna Hjalti Hrafn Hafþórsson Skoðun Börn sem skilja ekki kennarann Ingibjörg Ólöf Isaksen Skoðun Þegar viðskiptalíkan Vesturlanda er stríð – og almenningur borgar brúsann Steinunn Ólína Þorsteinsdóttir Skoðun Vissir þú, að.... og eða er þér bara slétt sama Björn Ólafsson Skoðun Skoðun Skoðun Speglar geta aðeins logið – um hlutlægni, huglægni og mennskuna Hjalti Hrafn Hafþórsson skrifar Skoðun Að þétta byggð Halldór Eiríksson skrifar Skoðun Þegar viðskiptalíkan Vesturlanda er stríð – og almenningur borgar brúsann Steinunn Ólína Þorsteinsdóttir skrifar Skoðun Slökkvum ekki Ljósið Rósa Guðbjartsdóttir skrifar Skoðun Er það ekki sjálfsögð krafa að fá bílastæði? Aðalsteinn Haukur Sverrisson skrifar Skoðun Of lítið, of seint! Hjálmtýr Heiðdal,Magnús Magnússon skrifar Skoðun Halla fer að ræða um frið við einræðisherra Daníel Þröstur Pálsson skrifar Skoðun Ákall til allra velunnara Sólheima í Grímsnesi Ingibjörg Rósa Björnsdóttir skrifar Skoðun Varðveitum vatnið – hugvekja Hópur starfsfólks Náttúruminjasafns Íslands skrifar Skoðun Innviðaskuld við íslenskuna Eiríkur Rögnvaldsson skrifar Skoðun Náttúruvernd er loftslagsaðgerð og loftslagsaðgerðir þjóna náttúrunni Þorgerður María Þorbjarnardóttir skrifar Skoðun Fatlað fólk rukkað með rangindum fyrir bílastæði Haukur Ragnar Hauksson skrifar Skoðun Vissir þú, að.... og eða er þér bara slétt sama Björn Ólafsson skrifar Skoðun Hver hagnast á hatrinu? Halldóra Mogensen skrifar Skoðun Öfgamaður deyr Andri Þorvarðarson skrifar Skoðun Að taka til í orkumálum Guðrún Schmidt skrifar Skoðun Börn sem skilja ekki kennarann Ingibjörg Ólöf Isaksen skrifar Skoðun Skortur á rafiðnaðarfólki ógnar samkeppnishæfni Evrópu Kristján Daníel Sigurbergsson skrifar Skoðun Siglt gegn þjóðarmorði Cyma Farah,Sólveig Ásta Sigurðardóttir skrifar Skoðun Um ópið sem heimurinn ekki heyrir Reham Khaled skrifar Skoðun 30 by 30 - Gefum lífi á jörð smá séns Rósa Líf Darradóttir skrifar Skoðun Hærri greiðslur í fæðingarorlofi Kristján Þórður Snæbjarnarson skrifar Skoðun Skólabærinn Garðabær: Við mælum árangur og gerum stöðugt betur Almar Guðmundsson,Sigríður Hulda Jónsdóttir skrifar Skoðun Stóra spurningin sem fjárlögin svara ekki Sandra B. Franks skrifar Skoðun Námsmat og Matsferill – Tækifæri til umbóta í skólastarfi Sigurbjörg Róbertsdóttir skrifar Skoðun Tími til aðgerða - loftslags- og umhverfismál sett á dagskrá Jóna Þórey Pétursdóttir skrifar Skoðun Setjum á okkur súrefnisgrímuna áður en við björgum heiminum. Nú þarf hinn þögli meirihluti að láta í sér heyra Steindór Þórarinsson skrifar Skoðun Sterkt skólasamfélag á Akureyri, sameiginleg ábyrgð og framtíðarsýn Heimir Örn Árnason skrifar Skoðun Fæðingarhríðir fjórðu iðnbyltingarinnar: Til fjármálafyrirtækja Klara Nótt Egilson skrifar Skoðun „AMOC straumurinn", enn ein heimsendaspáin... Valgerður Árnadóttir skrifar Sjá meira
Árásarstríð Pútíns á Úkraínumenn hefur vakið upp spurninguna um varnir og öryggi annarra Evrópu-landa, líka þá auðvitað okkar Íslendinga. Dýramætasta eigin Á Íslandi telja ýmsir, að Bandaríki Norður Ameríku (BNA) tryggi okkur, íbúum hins vestræna heims, og okkur Íslendingum með, öryggi og frelsi, menningu okkar, lífshætti og velferð til frambúðar. Þetta, það dýrmætasta, sem við eigum, standi fyrir tilstyrk BNA traustum fótum, á bjargi. Hættuleg grunnhyggja Fáfræði og skilningsleysi þessa fólks er fyrir mér á háu og hættulegu stigi. Fáfræði og skilningsleysi eru erfið viðureignar. Þar fer eins um staðreyndir og röksemdir, eins og vatnið, sem skvett er á gæs. Á Alþingi og víðar í þjóðfélaginu, í háum og valdamiklum stöðum, situr fólk, sem er sannfært um, að BNA veiti okkur framtíðaröryggi á öllum sviðum. En það stenzt ekki. BNA er klofin þjóð Þar takast á tvær andstæðar fylkingar, annars vegar mikillar íhaldssemi og heimóttarskapar, þar sem þröngsýni, þekkingarleysi og sjálfsdýrkun ráða för, og, hins vegar, frjálslyndrar, mannúðlegrar og ábyrgrar alþjóðahyggju, þar sem þekking, víðsýni og tillitssemi við aðra sitja í fyrirrúmi. Þessi klofningur kemur t.a.m. fram í afstöðu til réttar einstaklinga, frá 18 ára aldri, til vopnaburðar, til réttar kvenna til fóstureyðingar, til afstöðu þeirra, sem minnst mega sín í þjóðfélaginu og réttar þeirra til réttlætis og velferðar svo og til afstöðunnar til alþjóðasamvinnu. Donald Trump „America First“ voru slagorð Trumps, sem fyrri fylkingin studdi og var tilbúin til að rústa sínu eigin þjóðþingi, Capitol, fyrir, og heimta í leiðinni, að varaforsetinn yrði hengdur. Höfðu gálgann með. Segja þessi slagorð sína sögu um afstöðu Trumps og fylgismanna hans til annarra þjóða. Bezti vitnisburðurinn um ástandið í BNA er þó kannske sá, að fávís, þröngsýnn og sjálfumglaður ribbaldi, eins og Donald Trump, skyldi vera kosinn forseti landsins. Trump taldi, að hagsmunir BNA ættu að ganga fyrir öllu, að loftslagsváin og umhverfispilling væri tilbúningur, fake news, enda sagði hann BNA frá Parísarsamkomulagi 200 þjóða heims og leyfði stórfelld ný loftlags- og náttúruspjöll í sínu eigin land, jafnframt því sem hann velti upp þeirri hugmynd, að gott kynni að vera, að drekka klórblöndu við COVID. Til að komast yfir konu, taldi Trump snjallt að grípa í klof hennar: “Grab them by the pussy“. Góðvinir Trumps Trump taldi Pútin og Kim Jong-un góða menn og merka, enda naut hann ótæpilegs stuðnings þess fyrrnefnda í kosningabaráttunni 2016, þar sem ekkert var til sparað af áróðri og ósannindum á netinu, til að tryggja Trump brautargengi. Varð þar til gagnkvæm vinsemd, nánast bræðralag. Hefði Trump vart staðið gegn árásarstríði Pútíns í Úkraínu, hefði hann verið endurkosinn 2020. Vel fór líka á með Trump og Bolsonaro í Braselíu, sem leyfði stóraukinn ágang á „lungu jarðar“, regnskógana í Amazon. NATO sett í uppnám Í júlí 2018 mætti Trump á NATO-fund í Brussel, þar sem hann hótaði öðrum aðildarþjóðum, að, ef þær settu ekki þá fjármuni í varnarmál, sem stefnt var á, myndi hann „do his own thing“. Aðspurður, hvað þetta þýddi, hvort BNA myndu ekki verja önnur NATO-lönd gegn mögulegri árás Rússa, ef ekki væri greitt, svaraði Trump: „That´s exactly what it means“. Trump gaf líka til kynna, að það orkaði mikils tvímælis, hvort verja ætti smáþjóð, eins og „tiny Montenegro“, sem þá var nýr NATO-meðlimur. Öryggisráðgjafi Trump, John Bolton, sem var með honum á ráð-stefnunni, segir í bók sinni „The Room Where it Happened“, að hann hafi verið með lífið í lúkunum, „I had my heart in my throat“, að Trump myndi segja BNA úr NATO á þessum fundi. Í viðtali við The Washington Post bætti hann við, að hann væri sannfærður um, að Trump hefði sagt BNA úr NATO, hefði hann verið endurkosinn 2020. Hvað með „tiny Iceland“? Sem stendur ræður fylkingin, sem við getum treyst, í BNA. En hversu lengi verður það? Aftur verður kosið 2024. Hverjum veita Bandaríkamenn þá völdin? Donald Trump, eða einhverjum hans líka? Ef Rússum eða Kínverjum skildi þóknast að hertaka eyjuna litlu, „tiny Iceland“, norður í Dumbshafi, til að tryggja tökin á Norðurslóðum, hvað skyldi þá Trump, eða annar slíkur, gera, ef BNA væri þá enn í NATO? Evrópa verður að standa á eigin fótum Við getum ekki treyst á BNA með varnir, frelsi og öryggi Evrópu. Heldur ekki á Tyrki, sem búa yfir öðrum fjölmennasta her NATO-ríkjanna. ESB-löndin 27 mynda kjarna Evrópuþjóða. ESB býr yfir gífurlegum efnahagsstyrk, sem nú verður að færa yfir í varnar- og hernaðarstyrk, í framtíðinni verður hvorttveggja að koma til, og verður Ísland að gerast fullur þátttakandi í þessu samstarfi evrópskra systra- og bræðraþjóða okkar. Gætum loks látið til okkar taka Við fengjum þá líka loks setu við borðið, fengjum okkar eiginn kommissar, gætum látið til okkar taka og rödd okkar heyrast í samfélagi evrópskra þjóða, þar sem litlu þjóðirnar hafa líka sterka rödd og afgerandi völd; neitunarvald í öllum stærri málum.
Þegar viðskiptalíkan Vesturlanda er stríð – og almenningur borgar brúsann Steinunn Ólína Þorsteinsdóttir Skoðun
Skoðun Speglar geta aðeins logið – um hlutlægni, huglægni og mennskuna Hjalti Hrafn Hafþórsson skrifar
Skoðun Þegar viðskiptalíkan Vesturlanda er stríð – og almenningur borgar brúsann Steinunn Ólína Þorsteinsdóttir skrifar
Skoðun Náttúruvernd er loftslagsaðgerð og loftslagsaðgerðir þjóna náttúrunni Þorgerður María Þorbjarnardóttir skrifar
Skoðun Skortur á rafiðnaðarfólki ógnar samkeppnishæfni Evrópu Kristján Daníel Sigurbergsson skrifar
Skoðun Skólabærinn Garðabær: Við mælum árangur og gerum stöðugt betur Almar Guðmundsson,Sigríður Hulda Jónsdóttir skrifar
Skoðun Námsmat og Matsferill – Tækifæri til umbóta í skólastarfi Sigurbjörg Róbertsdóttir skrifar
Skoðun Tími til aðgerða - loftslags- og umhverfismál sett á dagskrá Jóna Þórey Pétursdóttir skrifar
Skoðun Setjum á okkur súrefnisgrímuna áður en við björgum heiminum. Nú þarf hinn þögli meirihluti að láta í sér heyra Steindór Þórarinsson skrifar
Skoðun Sterkt skólasamfélag á Akureyri, sameiginleg ábyrgð og framtíðarsýn Heimir Örn Árnason skrifar
Skoðun Fæðingarhríðir fjórðu iðnbyltingarinnar: Til fjármálafyrirtækja Klara Nótt Egilson skrifar
Þegar viðskiptalíkan Vesturlanda er stríð – og almenningur borgar brúsann Steinunn Ólína Þorsteinsdóttir Skoðun