Kanada skili rússneskri túrbínu til Þýskalands

Ellen Geirsdóttir Håkansson skrifar 9. júlí 2022 23:04

Rússneskri túrbínu sem gekkst undir viðgerðir í Kanada skilað til Þýskalands. EPA-EFE/ANATOLY MALTSEV

Volodymyr Zelenskiy, forseti Úkraínu hefur sagt upp sendiherrum landsins í Þýskalandi, Indlandi, Tékklandi, Noregi og Ungverjalandi í skugga deila við Þýskaland.

Samband Úkraínu og Þýskalands hefur verið viðkvæmt vegna þess hve mikið Þýskaland reiðir sig á orku frá Rússlandi Löndin hafa í þessum efnum deilt um rússneska túrbínu sem hefur gengist undir viðgerðir í Kanada. Túrbínan var í eigu Gazprom.

Samkvæmt Guardian ákváðu kanadísk yfirvöld nú fyrr í kvöld að skila túrbínunni til Þýskalands en túrbínan flýtir fyrir streymi á rússnesku gasi í gegnum Nord Stream 1 leiðsluna.

Yfirvöld í Úkraínu segja að skilin á túrbínunni muni gera lítið úr refsiaðgerðum gagnvart Rússlandi en Þýskaland stríðir við mikinn skort á gasi um þessar mundir. Kanadísk yfirvöld segja að með því að skila túrbínunni styrki þau aðgengi Evrópu að olíu og gasi. Umfjöllun Guardian um málið má lesa hér.

Innrás Rússa í Úkraínu Úkraína Rússland Kanada

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.