Erlent

Örplast­mengun finnst í nauta- og svína­kjöti í fyrsta sinn

Gunnar Reynir Valþórsson skrifar
Örplastið fannst í þremur fjórðu allra kjöt- og mjólkursýna sem tekin voru í viðamikilli rannsókn og í öllum blóðsýnum.
Örplastið fannst í þremur fjórðu allra kjöt- og mjólkursýna sem tekin voru í viðamikilli rannsókn og í öllum blóðsýnum. Getty

Örplastmengun hefur fundist í nauta- og svínakjöti í fyrsta sinn og einnig í blóði kúa og svína á bóndabæjum í Hollandi.

Guardian greinir frá og vísar í niðurstöður vísindamanna við háskólann í Amsterdam.

Örplastið fannst í þremur fjórðu allra kjöt- og mjólkursýna sem tekin voru í viðamikilli rannsókn og í öllum blóðsýnum. Þá fundust plastagnirnar einnig í öllum tegundum dýrafóðurs sem rannsökuð voru sem þykir gefa vísbendingu um hvaðan mengunin berst í dýrin.

Sömu vísindamenn sýndu fram á örplastmengun í blóði úr mönnum í fyrsta sinn í mars í fyrra en niðurstöðurnar sýna að agnirnar ferðast um líkamann í blóðrásinni og eiga það til að festast í líffærum og safnast upp.

Að sögn blaðsins er enn óljóst hvaða áhrif þetta hefur á menn og skepnur en vísindamennirnir eru áhyggjufullir því sýnt hefur verið fram á það á rannsóknarstofu að örplast hafi neikvæð áhrif á frumur mannslíkamans.

Umhverfismál Matvælaframleiðsla Holland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið