Sport

Katrín og Sigurður Ís­lands­meistarar í Ólympískri þrí­þraut

Runólfur Trausti Þórhallsson skrifar
Íslandsmeistararnir að keppni lokinni.
Íslandsmeistararnir að keppni lokinni. Þriþrautarsamband Íslands

Íslandsmeistaramótið í Ólympískri þríþraut fór fram á föstudag við góðar aðstæður á Laugarvatni. Báru þau Katrín Pálsdóttir úr Sundfélagi Hafnafjarðar og Sigurður Örn Ragnarsson sigur úr bítum.

 Í þrautinni voru syntir tveir 750 metra hringir í Laugarvatni, hjólaðar tvær 20 kílómetra umferðir á Laugarvatnsvegi og að loknum hlaupnir tveir 5 kílómetrar utanvega hringir við Laugarvatn.

 Í kvennaflokki sigraði Katrín Pálsdóttir úr Sundfélagi Hafnarfjarðar á tveimur klukkustundum, 41 mínútu og 24 sekúndur. Önnur varð Sigurlaug Helgadóttir úr Sundfélaginu Ægi á tveimur klukkustundum, 50 mínútur og 19 sekúndur. 

Hildur Árnadóttir, einnig úr Ægi, var svo þriðja í mark.

Í karlaflokki sigraði Sigurður Örn Ragnarsson en hann kom í mark á tveir tímum, níu mínútum og 54 sekúndum. Þetta var fimmta skiptið í röð sem Sigurður Ragnar verður Íslandsmeistari í Ólympískri þríþraut. Stefán Karl Sævarsson kom anars í mark og Bjarni Jakob Gunnarson var þriðji.

Í stigakeppni félaga sigraði Sundfélagið Ægir, Breiðablik varð í 2. sæti og Sundfélag Hafnarfjarðar í 3. sæti.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.