Veður

Norð­læg átt ríkjandi á landinu

Atli Ísleifsson skrifar
Hitinn mun fara upp í tólf stig sunnan- og austantil í dag.
Hitinn mun fara upp í tólf stig sunnan- og austantil í dag. Vísir/Vilhelm

Norðlæg átt verður ríkjandi á landinu í dag, þar sem vindur verður yfirleitt á bilinu fimm til tíu metrar á sekúndu. Víða á Vesturlandi verður hins vegar tíu til fimmtán metrar, einkum í vindstrengjum á Snæfellsnesi og Barðaströndinni.

Veðurstofan spáir að það verði lítilsháttar skúrir eða rigning með köflum norðantil, en nokkuð efnismeiri skúrir syðst.

„Bjart með köflum austan- og vestanlands. Er líður á daginn bætir í úrkomu um norðanvert landið.

Hitanum er nokkuð misskipt en norðanáttin dregur með sér kalt loft og hiti á Norðurlandi verður á bilinu 3 til 6 stig, en allt að 12 stig sunnan- og austantil,“ segir um veðrið í dag.

Spákortið fyrir klukkan 14 í dag.Veðurstofan

Veðurhorfur á landinu næstu daga

Á föstudag: Norðan 5-13 m/s, hvassast við austurströndina. Dálítil rigning á norðurhelmingi landsins og slydda til fjalla. Skýjað með köflum á sunnanverðu landinu og stöku skúrir syðst. Hiti frá 2 stigum fyrir norðan, upp í 12 stig á Suðurlandi.

Á laugardag: Norðlæg átt 5-13 m/s, hvassast austast. Lítilsháttar væta á Norðausturlandi, skýjað austanlands, en yfirleitt bjart sunnan heiða. Hiti 3 til 13 stig, hlýjast á Suðausturlandi.

Á sunnudag: Norðlæg átt, 8-13 m/s. Rigning um austanvert landið en annars skýjað með köflum og þurrt. Hiti 3 til 12 stig, hlýjast á Suðurlandi.

Á mánudag: Norðlæg átt með dálítilli vætu, en þurrt suðvestantil. Hiti breytist lítið.

Á þriðjudag: Norðvestlæg átt með rigningu fyrir norðan, en þurrt að kalla sunnantil.

Á miðvikudag: Útlit fyrir breytilega átt og vætu á víð og dreif.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.