Veður

Ekki út­lit fyrir sól­bjartan þjóð­há­tíðar­dag

Eiður Þór Árnason skrifar
Spáð er tíu til átján stiga hita víðast hvar í dag. 
Spáð er tíu til átján stiga hita víðast hvar í dag.  Vísir/Vilhelm

Í dag er spáð suðlægri átt, fimm til tíu metrum á sekúndu og má gera ráð fyrir að það verði skýjað með köflum og skúrir, einkum sunnan- og vestanlands. Þurrt að kalla norðvestantil framan af degi en þar einnig stöku skúrir seinnipartinn.

Hiti yfirleitt tíu til átján stig að deginum, hlýjast norðaustanlands. Fram kemur í hugleiðingum veðurfræðings hjá Veðurstofunni að svipað veður verði á morgun og jafnvel á fimmtudag en svo snúist í norðanátt á föstudag með rigningu þegar það kólnar aðeins. Hiti sjö til tólf stig.

Veðurhorfur á landinu næstu daga

Á fimmtudag: Suðlæg átt 3-10 m/s, skýjað með köflum og víða skúrir, einkum á sunnan- og vestanverðu landinu. Yfirleitt bjart á Norðausturlandi en þokubakkar við sjávarsíðuna. Hiti 8 til 18 stig, hlýjast inn til landsins norðaustantil.

Á föstudag (lýðveldisdagurinn): Austlæg átt 5-10 og rigning með köflum, einkum sunnan- og austanlands. Snýst í norðlæga átt seinnipartinn og dregur úr úrkomu um kvöldið. Hiti 8 til 15 stig.

Á laugardag: Stíf vestlæg átt og lítilsháttar væta norðaustantil á landinu framan af degi en vestanlands seinnipartinn. Annars þurrt. Hiti 9 til 16 stig.

Á sunnudag: Vestlæg átt og væta á vestanverðu landinu en annars þurrt og bjart. Hiti 10 til 18 stig, hlýjast austantil.

Á mánudag: Útlit fyrir vestlæga átt, skýjað með köflum en yfirleitt þurrt. Hlýtt í veðri.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið