Innlent

Eftirmynd af auga Lindu Pé komið upp á vegg

Magnús Hlynur Hreiðarsson skrifar
Ólafur Sigurjónsson listamaður í Tré og list í Flóahreppi við augað, sem hann kallar „„Auga almættisins“ en fyrirmyndin eru augu Lindu Pétursdóttur, alheimsfegurðardrottningar.
Ólafur Sigurjónsson listamaður í Tré og list í Flóahreppi við augað, sem hann kallar „„Auga almættisins“ en fyrirmyndin eru augu Lindu Pétursdóttur, alheimsfegurðardrottningar. Magnús Hlynur Hreiðarsson

Efturlíking af auga Lindu Pétursdóttur, alheimsfegurðardrottingu er nú komið upp á vegg á safni í Flóanum en það var rennt og skorið út í tré. Listamaðurinn er mjög stoltur af auganu, svo ekki sé minnst á gesti safnsins, sem dást af verkinu og auga Lindu Pé.

Tré og list er glæsilegt safn í Forsæti í Flóahreppi en eigendur þess eru Ólafur Sigurjónsson og Bergþóra Guðbergsdóttir. Hjónin taka á móti mikið af hópum, sem eru forvitnir um sögu safnsins og munina á því. Sigga á Grund á nokkur falleg verk á safninu og nokkur þeirra eru eftir Ólaf sjálfan, m.a. þetta glæsilega auga.

„Mig langaði til þess að gera verk, sem talaði svolítið sterkt til manns um það að mér finnst oft að eitthvað vaki yfir manni og þá kom upp hugmyndin „Auga almættisins“ . Þetta eru allt náttúrlegir litir úr tré,“ segir Ólafur.

Ólafur segir að mikil vinna liggi á bak við augað, en mjög skemmtileg og krefjandi vinna.

En er þetta eitthvað ákveðið auga?

„Ég get ekki neitað því að ég prentaði út mynd af Lindu Pé og hennar fallegu augum og hafði á borðinu hjá mér, þannig að við getum alveg sagt með það sanni að það sé svona ákveðin fyrirmynd.

Þannig að Linda Pé er komin upp á vegg?

„Já, það má segja það,“ segir Ólafur og hlær.

Lýsingin við augað kemur mjög skemmtilega út og gefur mikla dýpt þegar horft er á það.

Augað vekur mikla athygli hjá Tré og list, ekki síst þegar sagan um Lindu Pé fær að fylgja með.

Mikiði af fólki heimsækir Tré og list og nýtur þess að skoða fallegu verkin þar inn og að hlusta á Ólaf segja frá safninu.Magnús Hlynur Hreiðarsson

Heimasíða Tré og list í Flóahreppi

Flóahreppur Menning
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið