Einar Þorsteinsson, Dóra Björt Guðjónsdóttir og Dagur B. Eggertsson þegar viðræður flokka þeirra og Viðreisnar hófust fyrir að verða tveimur vikum.Vísir/Ragnar
Oddvitar Framsóknarflokksins, Samfylkingarinnar, Pírata og Viðreisnar í Reykjavík hafa boðað til blaðamannafundar til að kynna nýjan meirihluta við stöðvarstjórahúsið í Elliðaárdal í dag.
Í tilkynningu sem Einar Þorsteinsson, oddviti Framsóknar, sendi fjölmiðlum í morgun kemur fram að málefnasamningur flokkanna verði einnig kynntur á fundinum sem hefst klukkan 15:00.
Áður hafði komið fram að boðað hefur verið til funda í fulltrúaráði Samfylkingarfélaganna í Reykjavík og hjá Viðreisn til að kynna málefnasamnig flokkanna í kvöld.
Meirihlutaviðræður flokkanna fjögurra hafa staðið yfir undanfarna daga. Saman hafa flokkarnir þrettán borgarfulltrúa af tuttugu og þremur í borgarstjórn.
Fréttamaður okkar verður á staðnum og verður blaðamannafundurinn í beinni útsendingu á Vísi og Stöð2Vísi klukkan þrjú.
Dagur B. Eggertsson oddviti Samfylkingarinnar í Reykjavík mun kynna málefnasamning nýs meirihluta fyrir flokksmönnum sínum í borginni annað kvöld. Fundarboð barst félagsmönnum á níunda tímanum í kvöld.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
