Erlent

Fjallagarpar fórust í íshruni

Kjartan Kjartansson skrifar
Grand Combin-fjallið í suðvestanverðu Sviss.
Grand Combin-fjallið í suðvestanverðu Sviss. AP/Jean-Christophe Bott/Keystone

Tveir fjallgöngumenn fórust og níu slösuðust þegar íshnullungar féllu úr fjalli ofan á þá í suðvestanverðu Sviss í dag. Meiriháttar björgunaraðgerð var sett af stað til að koma fólkinu til hjálpar.

Nokkrir íshnullungar féllu úr Grand Combin-fjallinu í Bagnes-dal í Valais-kantónu og ofan á hóp fjallgöngumanna sem klifu fjallið, að sögn Reuters-fréttastofunnar.

Þeir látnu voru fertug frönsk kona og 65 ára gamall spænskur karlmaður. Tveir þeirra slösuðu eru þungt haldnir.

Sjö björgunarþyrlur voru sendar á vettvang og fluttu þær sautján aðra fjallgöngumenn sem voru á staðnum í nokkrum hópum. Þau slösuðu voru flutt á sjúkrahús í Sion og Lausanne.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.