Íslenski boltinn

KA-menn örugglega áfram í 16-liða úrslit

Arnar Geir Halldórsson skrifar
16-liða úrslit bíða.
16-liða úrslit bíða. Vísir/Hulda Margrét

Bestu deildar lið KA er komið í 16-liða úrslit Mjólkurbikarsins eftir 4-1 sigur á C-deildarliði Reynis.

Leikið var á Akureyri í dag og þó sigurinn hafi verið öruggur þurfti úrvalsdeildarliðið töluverðan tíma til að slíta gestina úr Sandgerði frá sér því staðan í leikhléi var jöfn, 1-1.

Jakob Snær Árnason, Steinþór Freyr Þorsteinsson, Þorri Mar Þórisson og Hallgrímur Mar Steingrímsson gerðu mörk KA en Elton Barros jafnaði metin í 1-1 um miðbik fyrri hálfleiks.

Tveir leikir til viðbótar eru í bikarkeppninni í kvöld þar sem C-deildarlið Hauka tekur á móti Íslands- og bikarmeisturum Víkings á meðan stórleikur Breiðabliks og Vals fer fram á Kópavogsvelli.




Fleiri fréttir

Sjá meira


×