Hrærður bæjarstjóri í Ölfusi lofar frambjóðendur í hástert Jakob Bjarnar skrifar 20. maí 2022 10:53 Máni og Elliði hafa sitthvora sýnina á því hvað megi lesa í þá ótrúlegu staðreynd að 2,5 prósent þjóðarinnar voru í framboði í síðustu sveitarstjórnarkosningum. Meðan Elliði er nánast klökkur og lýsir því að af þessu megi merkja að eðli Íslendinga einkennist af fórnfýsi vill Máni meina að þetta lýsi ævintýralegri vitleysu. vísir/vilhelm/aðsend Um það bil 2,5 prósent þjóðarinnar voru í framboði um síðustu helgi. Elliði Vignisson bæjarstjóri Ölfuss er afar ánægður með niðurstöðu kosninganna og hann birtir pistil á Facebooksíðu sinni þar sem hann lýkur miklu lofsorði á frambjóðendur almennt. „Hrós vikunnar fá frambjóðendur allra framboða sem buðu fram seinustu helgi. Eðli málsins samkvæmt eru sumir þeirra afar sáttir núna á meðan aðrir eru ósáttir, jafnvel reiðir og í [vonandi] örfáum tilfellum bitrir.“ Svo hefst pistill Elliða en í nýafstöðunum sveitarstjórnarkosningum kom Sjálfstæðisflokkurinn einna best út einmitt í Ölfusi. Elliði var þar bæjarstjóri, búinn að pakka saman, taka til sitt hafurtask af bæjarstjóraskrifstofunni og beið örlaga sinna sem bæjarstjóraefni flokksins. Sjálfstæðisflokkurinn hlaut svo hreinan meirihluta, hartnær 56 prósent atkvæða og Elliði gat sett upp fjölskyldumyndir á skrifstofunni aftur. Elliði nefnir að um 9,500 manns hafi verið í framboði ef óhlutbundnar kosningar eru taldar með – rúmlega þrjú þúsund í hefðbundnum listakosningum. Frambjóðandinn er hilluvara „Í mínum huga sýnir það betur en margt þá virðingu sem við Íslendingar berum fyrir þessum hluta lýðræðisins,“ segir Elliði, nánast hrærður. Elliði telur vert að þakka þeim sem vildu gefa á sér kost og tekur svo til við að lýsa fjálglega hvað í því felst að vera frambjóðandi: „Að vera frambjóðandi er ekki auðvelt. Það fylgir því mikil berskjöldun og álag. Við framboð lenda frambjóðendur undir sterkri smásjá samfélagsins. Allt í einu fer almenningur að skiptast í tvennt, sumir elska þig og öðrum líkar ekki við það sem þú hefur fram að færa. Í allt of mörgum tilvikum örlar á óvild, jafnvel hatri. Fólk fer að spá í hvernig þú ert sem persóna, hvernig þú klæðir þig, hvar þú ert, hvar þú ert ekki, hvað þú segir og hvað þú segir ekki. Frambjóðandinn er ekki persóna, hann er útstillingarvara. Hann er hilluvara. Frambjóðandinn er smakk sýnið sem er gefið á horni stórmarkaðar sem fólk ýmist smakkar á eða skyrpir út úr sér í allra augsýn.“ Takk kæru frambjóðendur Elliði segir ekki sjálfgefið að Íslendingar geti teflt svo mörgum fram ekki síst sé haft í huga hvernig almenningur svo kemur fram við þetta fólk. „Það er full ástæða til að þakka því fólki sem gefur kost á sér, vitandi hvað tekur við. Sérstaklega í ljósi þess að ef þeim tekst ætlunarverk sitt þá tekur við mikil vinna fyrir lág laun. Ábyrgð á málefnum sem það hefur ekki forsendur til að þekkja til. Þátttaka í ákvörðunum sem ekki eru ætíð fallnar til vinsælda.“ Máni sér hið gríðarmikla framboð á frambjóðendum ekki sömu augum og Elliði, heldur telur hann okkur sem þjóð komna út í ævintýralega vitleysu með okkar kosningablæti, sem reyndar útvatnar alla pólitík. Þetta eru frændur að kjósa frænkur sínar.Foto: Vilhelm Gunnarsson/Vilhelm Gunnarsson Bæjarstjórinn þakkar frambjóðendum kærlega fyrir óeigingjarnt framlag. „Og gangi ykkur sem allra best í þágu okkar hinna.“ Frænkur og frændur að kjósa sína Fráleitt eru þó allir á því að hið furðumikla framboð fólks í sveitarstjórnarkosningum, lýsi einskærri fórnfýsi. Reyndar þvert á móti: „1 af hverjum 58 Íslendingum er í framboði. Það hefur enginn þeirra neitt að segja og þeir eru í viðtali um ástina. Ég skil 100% alla sem nenna ekki að fara á kjörstað. Þetta er orðin ævintýraleg þvæla,“ segir Máni Pétursson sjónvarps- og umboðsmaður á Twitter. Máni var gestur í síðdegisútvarpi Rásar 2 ásamt Svavari Halldórssyni stjórnsýslufræðingi. En Svavar hefur lýst þeirri skoðun sinni að dræm kjörsókn sé áhyggjuefni; afar fáir atkvæði eru að baki hverjum frambjóðanda. Þar fylgdi Máni Twitter-færslu sinni eftir og sagði að atkvæðin mörg væru bara frá frændum og ættingjum. Máni taldi að það hljóti að vera einsdæmi á heimsvísu að svo hátt prósent þjóðar væri í framboði. Hann taldi engan mun á framboðunum og engar átakalínur í pólitík, þetta snerist allt um prívat- og sérhagsmuni, varla almannahag. Sveitarstjórnarmál Sveitarstjórnarkosningar 2022 Ölfus Tengdar fréttir Afar dræm kosningaþátttaka áhyggjefni: Máni Péturs vann kosningarnar Tæplega 40 prósent atkvæðabærra borgarbúa létu ekki sjá sig á kjörstað í borginni. Margrét Lilja Guðmundsdóttir, sérfræðingur hjá Rannsóknum- og greiningu og lýðheilsufræðingur, segir þetta verulegt áhyggjuefni og ætti að vera hverjum þeim sem á annað borð lætur sér annt um lýðræðislegt samfélag. 15. maí 2022 13:36 Mest lesið Lögregla komin með ágæta mynd af atburðum Innlent „Þetta er bara rétt að byrja“ Innlent Fólk hafi samband við lögreglu í stað þess að deila sögum á netinu Innlent Neitað um lausn gegn tryggingu og á yfir höfði sér lífstíðarfangelsi Erlent Blöskrar markaðssetning á réttum: „Þetta eru eins og jólin fyrir okkur“ Innlent Arnar með stöðu sakbornings og boðaður í skýrslutöku Innlent Íslendingum ekki boðið á sjónvarpsumræðu um öryggi á Norðurlöndum Innlent Lykilatriði að ræða við börnin og halda sig við staðreyndir Innlent Yazan ekki fluttur úr landi og fær efnismeðferð Innlent Segja ummæli Quang Le tilhæfulaus og ósönn Innlent Fleiri fréttir Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ „Við erum mjög uggandi yfir stöðunni“ Sjá meira
„Hrós vikunnar fá frambjóðendur allra framboða sem buðu fram seinustu helgi. Eðli málsins samkvæmt eru sumir þeirra afar sáttir núna á meðan aðrir eru ósáttir, jafnvel reiðir og í [vonandi] örfáum tilfellum bitrir.“ Svo hefst pistill Elliða en í nýafstöðunum sveitarstjórnarkosningum kom Sjálfstæðisflokkurinn einna best út einmitt í Ölfusi. Elliði var þar bæjarstjóri, búinn að pakka saman, taka til sitt hafurtask af bæjarstjóraskrifstofunni og beið örlaga sinna sem bæjarstjóraefni flokksins. Sjálfstæðisflokkurinn hlaut svo hreinan meirihluta, hartnær 56 prósent atkvæða og Elliði gat sett upp fjölskyldumyndir á skrifstofunni aftur. Elliði nefnir að um 9,500 manns hafi verið í framboði ef óhlutbundnar kosningar eru taldar með – rúmlega þrjú þúsund í hefðbundnum listakosningum. Frambjóðandinn er hilluvara „Í mínum huga sýnir það betur en margt þá virðingu sem við Íslendingar berum fyrir þessum hluta lýðræðisins,“ segir Elliði, nánast hrærður. Elliði telur vert að þakka þeim sem vildu gefa á sér kost og tekur svo til við að lýsa fjálglega hvað í því felst að vera frambjóðandi: „Að vera frambjóðandi er ekki auðvelt. Það fylgir því mikil berskjöldun og álag. Við framboð lenda frambjóðendur undir sterkri smásjá samfélagsins. Allt í einu fer almenningur að skiptast í tvennt, sumir elska þig og öðrum líkar ekki við það sem þú hefur fram að færa. Í allt of mörgum tilvikum örlar á óvild, jafnvel hatri. Fólk fer að spá í hvernig þú ert sem persóna, hvernig þú klæðir þig, hvar þú ert, hvar þú ert ekki, hvað þú segir og hvað þú segir ekki. Frambjóðandinn er ekki persóna, hann er útstillingarvara. Hann er hilluvara. Frambjóðandinn er smakk sýnið sem er gefið á horni stórmarkaðar sem fólk ýmist smakkar á eða skyrpir út úr sér í allra augsýn.“ Takk kæru frambjóðendur Elliði segir ekki sjálfgefið að Íslendingar geti teflt svo mörgum fram ekki síst sé haft í huga hvernig almenningur svo kemur fram við þetta fólk. „Það er full ástæða til að þakka því fólki sem gefur kost á sér, vitandi hvað tekur við. Sérstaklega í ljósi þess að ef þeim tekst ætlunarverk sitt þá tekur við mikil vinna fyrir lág laun. Ábyrgð á málefnum sem það hefur ekki forsendur til að þekkja til. Þátttaka í ákvörðunum sem ekki eru ætíð fallnar til vinsælda.“ Máni sér hið gríðarmikla framboð á frambjóðendum ekki sömu augum og Elliði, heldur telur hann okkur sem þjóð komna út í ævintýralega vitleysu með okkar kosningablæti, sem reyndar útvatnar alla pólitík. Þetta eru frændur að kjósa frænkur sínar.Foto: Vilhelm Gunnarsson/Vilhelm Gunnarsson Bæjarstjórinn þakkar frambjóðendum kærlega fyrir óeigingjarnt framlag. „Og gangi ykkur sem allra best í þágu okkar hinna.“ Frænkur og frændur að kjósa sína Fráleitt eru þó allir á því að hið furðumikla framboð fólks í sveitarstjórnarkosningum, lýsi einskærri fórnfýsi. Reyndar þvert á móti: „1 af hverjum 58 Íslendingum er í framboði. Það hefur enginn þeirra neitt að segja og þeir eru í viðtali um ástina. Ég skil 100% alla sem nenna ekki að fara á kjörstað. Þetta er orðin ævintýraleg þvæla,“ segir Máni Pétursson sjónvarps- og umboðsmaður á Twitter. Máni var gestur í síðdegisútvarpi Rásar 2 ásamt Svavari Halldórssyni stjórnsýslufræðingi. En Svavar hefur lýst þeirri skoðun sinni að dræm kjörsókn sé áhyggjuefni; afar fáir atkvæði eru að baki hverjum frambjóðanda. Þar fylgdi Máni Twitter-færslu sinni eftir og sagði að atkvæðin mörg væru bara frá frændum og ættingjum. Máni taldi að það hljóti að vera einsdæmi á heimsvísu að svo hátt prósent þjóðar væri í framboði. Hann taldi engan mun á framboðunum og engar átakalínur í pólitík, þetta snerist allt um prívat- og sérhagsmuni, varla almannahag.
Sveitarstjórnarmál Sveitarstjórnarkosningar 2022 Ölfus Tengdar fréttir Afar dræm kosningaþátttaka áhyggjefni: Máni Péturs vann kosningarnar Tæplega 40 prósent atkvæðabærra borgarbúa létu ekki sjá sig á kjörstað í borginni. Margrét Lilja Guðmundsdóttir, sérfræðingur hjá Rannsóknum- og greiningu og lýðheilsufræðingur, segir þetta verulegt áhyggjuefni og ætti að vera hverjum þeim sem á annað borð lætur sér annt um lýðræðislegt samfélag. 15. maí 2022 13:36 Mest lesið Lögregla komin með ágæta mynd af atburðum Innlent „Þetta er bara rétt að byrja“ Innlent Fólk hafi samband við lögreglu í stað þess að deila sögum á netinu Innlent Neitað um lausn gegn tryggingu og á yfir höfði sér lífstíðarfangelsi Erlent Blöskrar markaðssetning á réttum: „Þetta eru eins og jólin fyrir okkur“ Innlent Arnar með stöðu sakbornings og boðaður í skýrslutöku Innlent Íslendingum ekki boðið á sjónvarpsumræðu um öryggi á Norðurlöndum Innlent Lykilatriði að ræða við börnin og halda sig við staðreyndir Innlent Yazan ekki fluttur úr landi og fær efnismeðferð Innlent Segja ummæli Quang Le tilhæfulaus og ósönn Innlent Fleiri fréttir Höfuðstöðvar nýrrar ríkisstofnunar verða á Hvolsvelli „Afleitt“ að sjá Yazan gerðan að leiksoppi í deilum ráðherra Flugvélarnar sem gerðu Loftleiðir að stórveldi „Engar líkur á öðru en að þau endi á að fá alþjóðlega vernd“ Sjálfstæðismenn í borginni vilja samræmd próf aftur Yazan fær efnismeðferð og talstöðvar sprengdar Ekki séð ástæðu til að leggjast gegn framgangi samgöngusáttmálans „Vottunin verið kölluð láglaunavottun af gárungunum“ Yazan ekki fluttur úr landi og fær efnismeðferð Fólk hafi samband við lögreglu í stað þess að deila sögum á netinu Segja ummæli Quang Le tilhæfulaus og ósönn Grænt ljós á Ekkó en ekki Baldr Sjúklingurinn þurfi að vera með í allri ákvörðunartöku Skipuð forstjóri Náttúrufræðistofnunar Tileinkuðu söng við heilbrigðisráðuneytið Yazan Eigin sannfæring útskýri sögulegan klofning Sjálfstæðismanna Lykilatriði að ræða við börnin og halda sig við staðreyndir Telur íslenska stjórnsýslu hafa brotið lög í máli Yazan Lögregla komin með ágæta mynd af atburðum Hafa auglýst stöðu sveitarstjóra lausa til umsóknar Lögmaður Yazans sakar yfirvöld um lögbrot „Þetta er bara rétt að byrja“ Um sjö milljónir söfnuðust í minningarsjóð með kertasölu Arnar með stöðu sakbornings og boðaður í skýrslutöku Forstjóri nýrrar Umhverfis- og orkustofnunar úr stóriðjunni Ráðist í aðgerðir gegn samskiptaþjónustu sem glæpamenn notuðu Blöskrar markaðssetning á réttum: „Þetta eru eins og jólin fyrir okkur“ Íslendingum ekki boðið á sjónvarpsumræðu um öryggi á Norðurlöndum „Reglur samfélagsins mega ekki vera ómanneskjulegar“ „Við erum mjög uggandi yfir stöðunni“ Sjá meira
Afar dræm kosningaþátttaka áhyggjefni: Máni Péturs vann kosningarnar Tæplega 40 prósent atkvæðabærra borgarbúa létu ekki sjá sig á kjörstað í borginni. Margrét Lilja Guðmundsdóttir, sérfræðingur hjá Rannsóknum- og greiningu og lýðheilsufræðingur, segir þetta verulegt áhyggjuefni og ætti að vera hverjum þeim sem á annað borð lætur sér annt um lýðræðislegt samfélag. 15. maí 2022 13:36