Víða rigning eða skúrir í dag

Atli Ísleifsson skrifar 19. maí 2022 07:23

Hiti verður á bilinu sex til fimmtán stig á landinu í dag. Vísir/Vilhelm

Veðurstofan gerir ráð fyrir að það verði austanátt, fimm til þrettán metrar á sekúndur, í dag. Reikna má með rigningu í allan dag á Suðausturlandi en annars skúrir, einkum síðdegis og þurrt að kalla norðantil.

Á vef Veðurstofunnar segir að hiti verði sex til fimmtán stig þar sem svalast verður á Austfjörðum.

„Á morgun verður mjög svipað veður. Austlæg eða breytileg átt 3-8 og rigning með köflum á suðaustanverðu landinu. Annars úrkomulítið en stöku skúrir eftir hádegi. Hiti 10 til 16 stig.

Á laugardag verður norðaustanátt með rigningu eða súld fyrir norðan og austan. Þurrt og bjart suðvestantil en þar myndast stöku skúrir seint um daginn. Hiti 8 til 16 stig, hlýjast syðst,“ segir á vef Veðurstofunnar.

Spákortið fyrir klukkan 14 í dag.Veðurstofan

Veðurhorfur á landinu næstu daga

Á föstudag: Austlæg eða breytileg átt, víða 3-8 m/s. Rigning með köflum á Suðausturlandi, en stöku skúrir í öðrum landshlutum, einkum síðdegis. Hiti 10 til 16 stig.

Á laugardag: Norðan 5-13 m/s. Súld eða rigning norðan- og austanlands. Bjart með köflum sunnan heiða en stöku skúrir síðdegis. Hiti frá 4 stigum við norðurströndina, upp í 15 stig sunnanlands.

Á sunnudag: Norðlæg átt, skýjað og lítilsháttar væta á norðanverðu landinu, en stöku skúrir syðra. Hiti breytist lítið.

Á mánudag: Hæg breytileg átt og bjart með köflum, en skúrir sunnan- og vestantil. Hiti 4 til 14 stig, hlýjast á Suðvesturlandi.

Á þriðjudag og miðvikudag: Útlit fyrir austlæga átt, dálitla rigningu og hita 7 til 12 stig.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.