Kvöldfréttir Stöðvar 2

Erla Björg Gunnarsdóttir skrifar 11. maí 2022 18:00

Sindri Sindrason les kvöldfréttir klukkan hálf sjö. Vísir/Vilhelm

Sérfræðingur í vinnumarkaðsrannsóknum segir stjórnvöld verða að setja einhverjar hömlur á hækkun leiguverðs. Alþjóðagjaldeyrissjóðurinn varar í nýju áliti við kerfisáhættu hjá bönkunum vegna óeðlilegra húsnæðisverðshækkana. Fjallað er um málið í kvöldfréttum Stöðvar 2.

Þá verður fjallað á fjölbreyttan hátt um komandi sveitarstjórnarkosningar. Framboð E-listans í Reykjavík mun standa þótt frambjóðandi telji undirskrift sína falsaða. Yfirkjörstjórn mun þó vísa málinu til Héraðssaksóknara. Þá verður fjallað um helstu kosningamálin í Reykjanesbæ og uppbyggingarskeið á norðanverðum Vestfjörðum en sveitarstjórar hafa miklar væntingar til fólksflutninga á svæðið.

Fyrir utan sveitarstjórnarkosningarnar verða áhugaleikhús áberandi í fréttatímanum. Í bæjarleikhúsinu í Mosfellsbæ er hver sýning síðasta sýningin þessa dagana enda fyrirhugað að rífa húsið en á Selfossi sýna tólf eldri borgarar sýninguna „Maður í mislitum sokkum“ annað kvöld.

Þetta og margt fleira í kvöldfréttum kl. 18:30.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.