Veður

Á­fram norð­læg átt á landinu

Atli Ísleifsson skrifar
Útsýni af Úlfarsfelli.
Útsýni af Úlfarsfelli. Vísir/Vilhelm

Það verður áfram norðlæg átt á landinu, fimm til þrettán metrar á sekúndu og snjókoma eða slydda fyrir norðan.

Á vef Veðurstofunnar segir að reikna megi með stöku skúrum sunnantil og rigning eða jafnvel slydda seint í kvöld. Hitastig verður um eða yfir frostmarki norðanlands en allt að níu stigum yfir daginn syðst.

„Svipað veður verður á morgun, norðan og norðaustan 3-10 en 10-15 um landið norðvestanvert. Snjókoma eða slydda norðantil en léttir til sunnan heiða. Hiti 0 til 8 stig.

Það dregur úr vindi og smám saman úr ofankomu á föstudag, snýst svo í austanátt með vætu á laugardag og byrjar hægt að hlýna.“

Spákort fyrir klukkan 14.Veðurstofan

Veðurhorfur á landinu næstu daga

Á fimmtudag: Norðan 8-15 m/s og rigning eða snjókoma, en léttir til suðvestantil síðdegis. Hiti 0 til 6 stig, kaldast í innsveitum fyrir norðan.

Á föstudag: Norðan 5-10, en 10-15 með austurströndinni. Snjókoma eða slydda á Norður- og Austurlandi og hiti kringum frostmark. Bjartviðri sunnan heiða með hita að 7 stigum yfir daginn.

Á laugardag: Austanátt og rigning eða slydda með köflum en úrkomuminna fyrir norðan. Dregur úr ofankomu um kvöldið. Hlýnar smám saman.

Á sunnudag: Suðlæg átt, skýjað en úrkomulítið. Hiti 6 til 12 stig en svalari fyrir austan.

Á mánudag og þriðjudag: Austlæg átt, skýjað með köflum og sums staðar dálítil væta. Hiti breytist lítið.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.