Fótbolti

Ís­lendinga­lið mætast í bikar­úr­slitum

Runólfur Trausti Þórhallsson skrifar
OB er komið í úrslit.
OB er komið í úrslit. Twitter@Odense_Boldklub

OB og Midtjylland mætast í úrslitum dönsku bikarkeppninnar. Aron Elís Þrándarson leikur með OB á meðan Elías Rafn Ólafsson leikur með Midtjylland.

Midtjylland tryggði sér sæti í úrslitum í gær og OB gerði slíkt hið sama í kvöld er liðið pakkaði SönderjyskE saman í síðari leik liðanna. Lokatölur í kvöld 3-0 og OB vann einvígi liðanna þar með samtals 5-1.

Aron Elís var fjarri góðu gamni hjá OB í kvöld en Atli Barkarson kom inn af bekknum hjá SönderjyskE á 65. mínútu. Kristófer Ingi Kristinsson var ekki í leikmannahóp SönderjyskE að þessu sinni.

Aron Elís hefur verið fjarverandi í undanförnum leikjum OB og spurning hvort hann verði leikfær þegar úrslitaleikur bikarkeppninnar fer fram 26. maí næstkomandi. Markvörðurinn Elías Rafn verður því miður ekki milli stanganna hjá Midtjylland í leiknum en hann handarbrotnaði fyrir stuttu.




Fleiri fréttir

Sjá meira


×