Erlent

Elsta manneskja í heimi látin

Kolbeinn Tumi Daðason skrifar
Myndin vinstra megin var tekin þegar Tanaka varð 117 ára en myndin hægra megin árið 1923, þegar hún var tvítug.
Myndin vinstra megin var tekin þegar Tanaka varð 117 ára en myndin hægra megin árið 1923, þegar hún var tvítug.

Japönsk kona sem ber titilinn elsta manneskja í heimi samkvæmt skráðum gögnum er látin 119 ára gömul.

Tanaka giftist fyrir heilli öld og eignaðist fjögur börn. Síðustu æviárunum varði hún á hjúkrunarheimili í Japan þar sem hún naut þess að spila borðspil og bragða á súkkulaði.

Eftir fráfall Tanaka hefur Lucile Randon, 118 ára frönsk nunna, tekið við titlinum elsta manneskja í heimi.

Tanaka var sjöunda í röð níu systkina. Hún giftist nítján ára gömul og kom að ýmsum rekstri á ævi sinni. Rak hún meðal annars núðluverslun.

Jeanna Louise Calment frá Frakklandi er sú manneskja sem náð hefur hæstum aldri. Hún dó árið 1997 og var þá 122 ára og 164 daga gömul.

Hvergi í heiminum er hlutfall eldra fólks hærra en í Japan. Fjórðungur landsmanna er 65 ára eða eldri. Talið er að mataræði, heilbrigðisþjónusta og sú staðreynd að Japanir vinna fram eftir aldri sé ástæða langlífis í landinu.

Frétt BBC.

Japan Andlát

Tengdar fréttir

Elsta manneskja heims fagnar 119 ára afmælinu

Kane Tanaka fagnaði afmæli sínu á elliheimili í Japan í gær en hún er elsta manneskja heims, 119 ára að aldri. Tanaka segis staðráðin í að bæta metið á næsta ári.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið