Innlent

Sprengi­sandur: Inn­rás Rússa, fjár­mála­ráð­herra um Ís­lands­banka, orku­skipti og mennta­mál

Viktor Örn Ásgeirsson skrifar
Sprengisandur hefst klukkan 10.
Sprengisandur hefst klukkan 10. Vísir

Margt verður rætt í þjóðmálaþættinum Sprengisandi í dag en þátturinn verður á Bylgjunni klukkan tíu. Kristján Kristjánsson þáttastjórnandi mun ræða við Rósu Magnúsdóttur, prófessor í sagnfræði og sérfræðing í málefnum Rússlands, um innrásina í Úkraínu.

Því næst mætir Guðmundur Ingi Ásmundsson forstjóri Landsnets og ræðir áætlun um orkuskipti. Hvað verður um áætlunina ef flutningskerfi raforku er þegar fulllestað? Þýða hugtökin grænt hagkerfi og orkuskipti eitthvað ef flutningskerfið dugar ekki til? 

Þá mætir Bjarni Benediktsson fjármálaráðherra til að fara yfir söluna á hlutabréfunum í Íslandsbanka. Farið verður yfir söluna sem mjög hefur verið umdeild og rætt verður um afdrif Bankasýslunnar.

Ingibjörg Ösp Stefánsdóttir, forstöðmaður hjá Samtökum atvinnulífsins, og Kristrún Lind Birgisdóttir, eigandi og framkvæmdastjóri Ásgarðs, mæta síðastar til leiks. Viðfangsefni verður menntamál framtíðarinnar og stafræn framtíð. Þá verður einnig farið yfir aðhald og stöðu þeirra sem illa passa inn í hefðbundið skólahald.

Sprengisandur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið