Lífið

Julia Roberts er með rómantíska gamanmynd á leiðinni í fyrsta skipti í tuttugu ár

Elísabet Hanna skrifar
Julia Roberts og George Clooney leika foreldra sem hafa skilið og reyna að stoppa brúðkaup dóttur sinnar á Bali.
Julia Roberts og George Clooney leika foreldra sem hafa skilið og reyna að stoppa brúðkaup dóttur sinnar á Bali. Getty/Mike Marsland

Julia Roberts mun snúa aftur í rómantískri gamanmynd í fyrsta skiptið í tuttugu ár og það með engan annan en George Clooney sér við hlið. Julia var á sínum tíma í myndum eins og Pretty Woman, My Best Friend’s Wedding og Notting Hill.

Ekki nógu mikil gæði

Í viðtali við New York Magazine útskýrir Julia afhverju hún hefur verið fjarri rómantískum gamanmyndum allan þennan tíma. „Fólk misskilurstundum þennan tíma sem hefur liðið og halda að ég hafi ekki verið í slíkri mynd því ég vilji það ekki,“ segir hún um ákvörðunina en bætir við :

„Ef ég hefði lesið eitthvað sem mér hefði fundist vera á Notting Hill gæðastigi skrifa eða á My best Friends Wedding gæðastigi þess að vera ógeðslega skemmtilegt hefði ég gert það,“

segir hún. Julia segir myndina Ticket to Paradise sem Ol Parker skrifaði og leikstýrði vera á því gæðastigi og stökk hún því á tækifærið og er myndin væntanleg seinnihluta árs. Hún segir það þó einnig hafa spilað inn í að síðustu átján árin eignaðist hún þrjú börn og hafi viljað vera til staðar. 

„Málið er: Ef mér hefði fundist eitthvað vera nógu gott þá hefði ég gert það,“

segir hún um og talar um að eftir að börnin hafi fæðst hafi kröfurnar hjá henni um gæðaefni aukist til muna og svo hafi púsluspilið með börn og vinnu eiginmannsins Daniel Moder einnig orðið flóknara.

Stolt af því að vera húsmóðir

Julia segist vera stolt af því að vera húsmóðir og vera til staðar fyrir börnin sín. Hún segir þau hafa séð pabba sinn vinna mikið en hún hafi unnið minna og þau hafi varla fundið fyrir því. 

„Það er eins og ég hafi bara verið frá þegar þau voru að taka lögnina sína eða eitthvað,“

segir hún um yngri árin hjá börnunum sínum. Hún segir þó að eftir því sem þau eldist vilji hún sýna þeim og þá sérstaklega dóttur sinni að hún sé skapandi og að það skipti hana máli. 

„Það skiptir mig svo miklu máli að stundum koma tímabil þar sem ég set næstum því meiri athygli á það en á fjölskylduna mína, sem hefur verið erfitt að sætta mig við.“

Roberts og Clooney

Julia Roberts og George Clooney eru miklir vinir og hafa meðal annars verið saman í Ocean´s myndunum og hefur eflaust verið gaman að taka nýju myndina upp en tökur fóru fram í Ástralíu. Í Ticket To Paradise leika þau foreldra sem eru skilin og sameina krafta sína til að reyna að stoppa brúðkaup dóttur sinnar á Bali. 

Fleiri leikarar í myndinni eru Kaitlyn Dever, Billie Lourd, Rowan Chapman og Lucas Bravo sem hefur meðal annars slegið í gegn sem Gabriel í Emily in Paris. Julia segir reynsluna hafa verið skemmtilega og að hún njóti þess að hlæja og vera fyndin.

„Það er gaman að leika í sandkassanum. Það er langt síðan síðast.“

Tengdar fréttir

Vildi ekki fara í lýtaaðgerð

Julia Roberts segist hafa tekið mikla áhættu á kvikmyndaferli sínum með því að fara ekki í andlitslyftingu þegar hún var á fertugsaldri.






Fleiri fréttir

Sjá meira


×