Hryllingur í Bucha: Fullyrðir að rússneskir hermenn séu verri en íslamska ríkið Kristín Ólafsdóttir og Árni Sæberg skrifa 4. apríl 2022 00:00 Dmytro Kuleba er utanríkisráðherra Úkraínu. Attila Husejnow/Getty Utanríkisráðherra Úkraínu segir Rússa hafa framið fjöldamorð á almennum borgurum í bænum Bucha, þar sem lík liggja eins og hráviði á götum eftir brotthvarf Rússa. Vestrænir leiðtogar fordæma Rússa fyrir voðaverk á svæðinu og saka þá sumir um stríðsglæpi. Snemma í morgun gerðu Rússar sprengjuárás á hafnarborgina Odessa í suður-Úkraínu. Rússar segjast hafa beint spjótum sínum að olíuvinnslustöð í bænum en sprengjum var þó varpað víðar í borginni. Farið var yfir helstu vendingar dagsins í stríðinu í Úkraínu í kvöldfréttum Stöðvar 2. Rétt er að vara við myndefni í fréttinni. Rússar hafa allra síðustu daga horfið frá svæðum í grennd við Kænugarð. Hryllingur blasti við úkraínskum hermönnum í þorpinu Bucha í útjaðri Kænugarðs; götur stráðar líkum almennra borgara. Utanríkisráðherra Úkraínu, Dmytro Kuleba, lýsir framgöngu Rússa í Bucha sem fjöldamorði; svívirðilegasta grimmdarverki 21. aldar. „Miðað við það sem við höfum séð í Bucha og nágrenni getum við fullyrt að Rússar eru verri en ISIS hvað varðar miskunnarleysið að baki glæpanna sem framdir voru,“ segir hann. Kallað eftir rannsókn og hertum refsiaðgerðum Fjöldi vestrænna leiðtoga hefur fordæmt voðaverk Rússa; Robert Habeck varakanslari Þýskalands sagði drápin „hryllilegan stríðsglæp“ og kallaði eftir því að refsiaðgerðir gegn Rússum yrðu hertar. Þjóðverjar hafa jafnvel kallað eftir því að bann verði sett á gasviðskipti við Rússa, eitthvað sem þeir hafa hingað til viljað forðast. Þá kallaði Ursula von der Leyen forseti framkvæmdastjórnar Evrópusambandsins eftir sjálfstæðri rannsókn á meintum stríðsglæpum Rússa. Sjálfir kenna Rússar Úkraínumönnum um drápin og segja þá hafa falsað myndefni frá svæðunum. Þeir hafa óskað eftir því að öryggisráð sameinuðu þjóðanna komi saman á neyðarfundi á morgun til að ræða ögrun meintra úkraínskra öfgamanna. Hafa vart undan að grafa almenna borgara Fimmtíu og sjö voru jarðsettir í fjöldagröf í Bucha í dag. Úkraínskar hersveitir eru nýbúnar að ná aftur yfirráðum yfir bænum af Rússum, sem virðast hafa tekið fjölda almenna borgara af lífi í bænum. Alþjóðlegu mannréttindasamtökin Human rights watch segja herinn hafa skilið eftir sig slóð hörmunga og greinilegra dæma um stríðsglæpi. Þannig hafi samtökin rætt við íbúa í norðrinu sem lýsi nokkrir því að hafa orðið vitni tilhæfulausum aftökum á almennum borgurum, nauðgunum og jafnvel drápum á börnum og mæðrum þeirra. „Þeir tóku sex karlmenn úr mismunandi fjölskyldum, sögðu fjölskyldum þeirra að bíða við hús sín og leiddu mennina að þorpsmörkunum þar sem þeir skutu þá,“ er haft eftir einum þeirra. Hreinsun og hjálparstarf standa nú yfir á þessum svæðum sem Úkraínumenn hafa náð aftur á sitt vald. Selenskí segir ímynd Rússa skemmda til frambúðar Vólódómír Selenskí Úkraínuforseti ávarpaði þjóð sína í dag og fór hörðum orðum um framgöngu Rússa á svæðum í kringum Kænugarð. „Hrein illska er komin inn í landið okkar. Morðingjar, kvalarar, nauðgarar, þjófar. Sem kalla sjálfa sig her og eiga ekkert skilið nema dauðann eftir það sem þeir hafa gert,“ sagði hann. Hann bað rússneskar mæður hermanna að skoða myndefni frá Bucha, Irpin og Hostomel og sjá voðaverkin sem synir þeirra hafa framið þar. Þá spyr hann þær hvað saklausir almennir borgarar hafi gert til að eiga skilið að vera pyndaðir til dauða. „Af hverju voru konur kyrktar til bana eftir að eyrnalokkar höfðu verið rifnir úr eyrum þeirra? Hvernig gat konum verið nauðgað og þær myrtar fyrir framan börn þeirra?“ spurði forsetinn. Hann segir rússneska ráðamenn vera samábyrga þeim hermönnum sem framið hafa voðaverkin. „Svona verður litið á rússneska ríkið. Þetta er ímynd ykkar. Menning ykkar og mennska fórst með þeim úkraínsku mönnum og konum sem þið réðust á,“ sagði hann. Hluta ávarps Selenskís má sjá textað á ensku í spilaranum hér að neðan: This is how the Russian state will now be perceived. This is your image .pic.twitter.com/gzeQOZJ6Dn— Thorsten Benner (@thorstenbenner) April 3, 2022 Innrás Rússa í Úkraínu Úkraína Rússland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vaktin: Virknin á svipuðum nótum í alla nótt Innlent Svörtum vísað frá borði þegar kvartað var undan líkamslykt Erlent Katrín og Halla Tómasdóttir hnífjafnar í nýrri könnun Maskínu Innlent Fráfarandi bæjarstjóri Árborgar sóttist eftir að halda áfram Innlent Segir enn svigrúm til að taka fram úr Katrínu Innlent Baldur harðneitar að segja hver lagði að honum að hætta Innlent Forsetavaktin 2024: Hver verður sjöundi forseti lýðveldisins? Innlent Heildarmat fasteigna hækkar um 4,3 prósent árið 2025 Innlent Glóðvolg og glæný könnun um fylgi frambjóðenda í hádegisfréttum Innlent Sóttu mann sem slasaðist í mótorhjólaslysi Innlent Fleiri fréttir Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Notaði niðrandi orð um samkynhneigða karla á lokuðum fundi Trump lofar að útrýma mótmælum til stuðnings Palestínu Segir árásirnar í Rafah „hræðileg mistök“ Segja Frakka ætla að senda hermenn til Úkraínu Sautján ára „hermaður Hitlers” dæmdur í sjö ára fangelsi Töldu að enginn ætti að deyja í árásunum AfD náði ekki að sigra eftir hrinu hneykslismála Óttast að um 2.000 hafi látist í aurskriðum á föstudag Alríkislögreglan aðstoðar við leit að munum úr British Museum Átján látnir eftir mikið óveður í miðríkjum Bandaríkjanna Hart sótt að Sunak vegna hugmynda um herþjónustu fyrir 18 ára Sjá meira
Snemma í morgun gerðu Rússar sprengjuárás á hafnarborgina Odessa í suður-Úkraínu. Rússar segjast hafa beint spjótum sínum að olíuvinnslustöð í bænum en sprengjum var þó varpað víðar í borginni. Farið var yfir helstu vendingar dagsins í stríðinu í Úkraínu í kvöldfréttum Stöðvar 2. Rétt er að vara við myndefni í fréttinni. Rússar hafa allra síðustu daga horfið frá svæðum í grennd við Kænugarð. Hryllingur blasti við úkraínskum hermönnum í þorpinu Bucha í útjaðri Kænugarðs; götur stráðar líkum almennra borgara. Utanríkisráðherra Úkraínu, Dmytro Kuleba, lýsir framgöngu Rússa í Bucha sem fjöldamorði; svívirðilegasta grimmdarverki 21. aldar. „Miðað við það sem við höfum séð í Bucha og nágrenni getum við fullyrt að Rússar eru verri en ISIS hvað varðar miskunnarleysið að baki glæpanna sem framdir voru,“ segir hann. Kallað eftir rannsókn og hertum refsiaðgerðum Fjöldi vestrænna leiðtoga hefur fordæmt voðaverk Rússa; Robert Habeck varakanslari Þýskalands sagði drápin „hryllilegan stríðsglæp“ og kallaði eftir því að refsiaðgerðir gegn Rússum yrðu hertar. Þjóðverjar hafa jafnvel kallað eftir því að bann verði sett á gasviðskipti við Rússa, eitthvað sem þeir hafa hingað til viljað forðast. Þá kallaði Ursula von der Leyen forseti framkvæmdastjórnar Evrópusambandsins eftir sjálfstæðri rannsókn á meintum stríðsglæpum Rússa. Sjálfir kenna Rússar Úkraínumönnum um drápin og segja þá hafa falsað myndefni frá svæðunum. Þeir hafa óskað eftir því að öryggisráð sameinuðu þjóðanna komi saman á neyðarfundi á morgun til að ræða ögrun meintra úkraínskra öfgamanna. Hafa vart undan að grafa almenna borgara Fimmtíu og sjö voru jarðsettir í fjöldagröf í Bucha í dag. Úkraínskar hersveitir eru nýbúnar að ná aftur yfirráðum yfir bænum af Rússum, sem virðast hafa tekið fjölda almenna borgara af lífi í bænum. Alþjóðlegu mannréttindasamtökin Human rights watch segja herinn hafa skilið eftir sig slóð hörmunga og greinilegra dæma um stríðsglæpi. Þannig hafi samtökin rætt við íbúa í norðrinu sem lýsi nokkrir því að hafa orðið vitni tilhæfulausum aftökum á almennum borgurum, nauðgunum og jafnvel drápum á börnum og mæðrum þeirra. „Þeir tóku sex karlmenn úr mismunandi fjölskyldum, sögðu fjölskyldum þeirra að bíða við hús sín og leiddu mennina að þorpsmörkunum þar sem þeir skutu þá,“ er haft eftir einum þeirra. Hreinsun og hjálparstarf standa nú yfir á þessum svæðum sem Úkraínumenn hafa náð aftur á sitt vald. Selenskí segir ímynd Rússa skemmda til frambúðar Vólódómír Selenskí Úkraínuforseti ávarpaði þjóð sína í dag og fór hörðum orðum um framgöngu Rússa á svæðum í kringum Kænugarð. „Hrein illska er komin inn í landið okkar. Morðingjar, kvalarar, nauðgarar, þjófar. Sem kalla sjálfa sig her og eiga ekkert skilið nema dauðann eftir það sem þeir hafa gert,“ sagði hann. Hann bað rússneskar mæður hermanna að skoða myndefni frá Bucha, Irpin og Hostomel og sjá voðaverkin sem synir þeirra hafa framið þar. Þá spyr hann þær hvað saklausir almennir borgarar hafi gert til að eiga skilið að vera pyndaðir til dauða. „Af hverju voru konur kyrktar til bana eftir að eyrnalokkar höfðu verið rifnir úr eyrum þeirra? Hvernig gat konum verið nauðgað og þær myrtar fyrir framan börn þeirra?“ spurði forsetinn. Hann segir rússneska ráðamenn vera samábyrga þeim hermönnum sem framið hafa voðaverkin. „Svona verður litið á rússneska ríkið. Þetta er ímynd ykkar. Menning ykkar og mennska fórst með þeim úkraínsku mönnum og konum sem þið réðust á,“ sagði hann. Hluta ávarps Selenskís má sjá textað á ensku í spilaranum hér að neðan: This is how the Russian state will now be perceived. This is your image .pic.twitter.com/gzeQOZJ6Dn— Thorsten Benner (@thorstenbenner) April 3, 2022
Innrás Rússa í Úkraínu Úkraína Rússland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vaktin: Virknin á svipuðum nótum í alla nótt Innlent Svörtum vísað frá borði þegar kvartað var undan líkamslykt Erlent Katrín og Halla Tómasdóttir hnífjafnar í nýrri könnun Maskínu Innlent Fráfarandi bæjarstjóri Árborgar sóttist eftir að halda áfram Innlent Segir enn svigrúm til að taka fram úr Katrínu Innlent Baldur harðneitar að segja hver lagði að honum að hætta Innlent Forsetavaktin 2024: Hver verður sjöundi forseti lýðveldisins? Innlent Heildarmat fasteigna hækkar um 4,3 prósent árið 2025 Innlent Glóðvolg og glæný könnun um fylgi frambjóðenda í hádegisfréttum Innlent Sóttu mann sem slasaðist í mótorhjólaslysi Innlent Fleiri fréttir Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Notaði niðrandi orð um samkynhneigða karla á lokuðum fundi Trump lofar að útrýma mótmælum til stuðnings Palestínu Segir árásirnar í Rafah „hræðileg mistök“ Segja Frakka ætla að senda hermenn til Úkraínu Sautján ára „hermaður Hitlers” dæmdur í sjö ára fangelsi Töldu að enginn ætti að deyja í árásunum AfD náði ekki að sigra eftir hrinu hneykslismála Óttast að um 2.000 hafi látist í aurskriðum á föstudag Alríkislögreglan aðstoðar við leit að munum úr British Museum Átján látnir eftir mikið óveður í miðríkjum Bandaríkjanna Hart sótt að Sunak vegna hugmynda um herþjónustu fyrir 18 ára Sjá meira
Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins