Þegar snókeræði greip um sig á Íslandi Óttar Kolbeinsson Proppé skrifar 27. mars 2022 14:01 Í Valsheimilinu 1. febrúar 1990. vísir Það vita allir hvað pool er en færri vita hvaða íþrótt ballskák, eða snóker, er. En fyrir um þremur áratugum síðan vissu það allir á Íslandi enda hafði þá gripið um sig gríðarlegt æði fyrir sportinu hér á landi. Æðið náði líklega hápunkti sínum í byrjun febrúar 1990 þegar stórmeistararnir Steve Davis og Alex Higgins komu til landsins til að spila snóker fyrir troðfullu Valsheimili. Snókertímabilið var tekið fyrir í Kvöldfréttum Stöðvar 2 um helgina. Hægt er að horfa á innslagið hér að neðan: Úr 128 borðum í 12 „Ég hugsa að svona 1987 eða 88 byrji snóker að fljúga upp listann hérna og er alveg mjög vinsælt til svona 93,“ segir Brynjar Valdimarsson, eða Binni eins og hann er iðulega kallaður, eigandi Snooker & Pool í Lágmúla. Það er annar tveggja staða í Reykjavík þar sem má finna snókerborð. Þau voru aðeins fleiri hér á árum áður. „Á höfuðborgarsvæðinu voru 128 borð í útleigu ef ég man rétt. En þau voru náttúrulega fleiri - það voru mörg í heimahúsum líka. Og á landinu öllu hafa verið um 180 borð í útleigu. Það var snókerstofa í Keflavík og á Selfossi... stórar og flottar stofur. Þetta var mega bissness. Fullt alls staðar og biðlistarnir endalausir,“ segir Binni. vísir/arnar 128 borð í bænum þá en ekki nema 12 í dag. En hvað í ósköpunum olli þessari rosalegu hnignun á áhuga Íslendinga á snóker? Íþrótt sem nýtur enn gríðarlegrar vinsældar úti í heimi sem fer ört vaxandi. Hvað gerðist í kring um árið 1993 á Íslandi? „Mig minnir að þá hafi þetta gengið illa hjá Stöð 2 og þeir hættu með útsendingar af snóker. þá fylgdi RÚV í kjölfarið og síðan fór snóker eiginlega bara beint niður í vinsældum. Þetta sýnir mátt sjónvarpsins. Erfitt sport Þá er samkeppnin í dag mikil. Heimurinn er orðinn hraðari en snóker er þolinmæðisíþrótt. „Þú ert náttúrulega í keppni við aðra hluti sko. Þú ert með tölvur, samfélagsmiðla, leiki... það sem er sýnt í sjónvarpinu; til dæmis fótbolti og golf og það er þá það sem ungt fólk myndi þá frekar sækja í,“ segir Binni. Brynjar Valdimarsson er eigandi snóker- og pool-stofunnar í Lágmúla.vísir/arnar Snóker er þá auðvitað ekki einfaldasta íþrótt í heimi. „Þetta er bara tæknisport skilurðu. Fólk er miklu fljótara að geta hitt kúlunum niður í pool en snóker er miklu erfiðara,“ segir Binni. Snókerborð er nefnilega miklu stærra en pool-borð og á móti kemur að bæði kúlurnar og vasinn eru minni. Reglurnar eru líka dálítið flóknari en leikurinn snýst um að safna sem flestum stigum með því að hitta til skiptis rauðri kúlu niður og lituðum kúlum. Rauð kúla gefur eitt stig en litirnir misjafnlega mörg stig, svört mest. Hækkandi meðalaldur „Meðalaldurinn í snóker hefur hækkað ansi mikið. Við getum orðað það þannig,“ segir Binni. Það gefur auga leið að hækkun meðalaldurs iðkenda er ekki góðs viti fyrir neina íþrótt. En þetta vill Binni laga. Og lausnin er ekki endilega flókin. „Það væri hægt að efla áhugann mjög mikið ef við kæmum snóker meira í sjónvarpið. Það er raunverulega alltaf leiðin held ég. Besta auglýsingin fyrir snóker er sjónvarp,“ segir hann. Þetta segist Binni staðráðinn í að reyna að gera á næstunni. Og hver veit því nema í framhaldinu verði hægt að upplifa hér á Íslandi stemmningu á borð við þá sem var í Valsheimilinu í febrúar 1990. Stemmningin var góð í Valsheimilinu.vísir Snóker Reykjavík Mest lesið „Kveiktum næstum í öllu sumarbústaðalandinu“ Lífið Engir palestínskir fánar í Eurovision-höllinni Lífið Mikið fjör á opnun kosningaskrifstofu Gnarr Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Sjarmerandi og seiðandi á sjötugsaldri Lífið Hljómborðsleikari ELO fallinn frá Lífið Annie Mist og Frederik eignuðust dreng Lífið Sagan á bak við djarft listaverk Ásdísar Ránar Lífið Ný vörulína lagar litabletti í húð Lífið samstarf Hvetur fólk til þess að leika sér Lífið Fleiri fréttir Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Gerða og glæsilegar gellur á Edition Swing og hópkynlíf fyrir byrjendur! Snorri og Harpa selja á Njálsgötu Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Aðalsöngvari The Commitments stígur á svið í Háskólabíói Langþráður draumur Völu Eiríks rættist Álfa- og jólahúsið í Laugardalnum heyrir sögunni til Draumur Katrínar Eddu og Markúsar verður að veruleika Trítaði sig og fékk sér Teslu: „Hvað ertu með í laun eiginlega?“ Hönnunarhæð Karinar í Nola til sölu Sjá meira
Æðið náði líklega hápunkti sínum í byrjun febrúar 1990 þegar stórmeistararnir Steve Davis og Alex Higgins komu til landsins til að spila snóker fyrir troðfullu Valsheimili. Snókertímabilið var tekið fyrir í Kvöldfréttum Stöðvar 2 um helgina. Hægt er að horfa á innslagið hér að neðan: Úr 128 borðum í 12 „Ég hugsa að svona 1987 eða 88 byrji snóker að fljúga upp listann hérna og er alveg mjög vinsælt til svona 93,“ segir Brynjar Valdimarsson, eða Binni eins og hann er iðulega kallaður, eigandi Snooker & Pool í Lágmúla. Það er annar tveggja staða í Reykjavík þar sem má finna snókerborð. Þau voru aðeins fleiri hér á árum áður. „Á höfuðborgarsvæðinu voru 128 borð í útleigu ef ég man rétt. En þau voru náttúrulega fleiri - það voru mörg í heimahúsum líka. Og á landinu öllu hafa verið um 180 borð í útleigu. Það var snókerstofa í Keflavík og á Selfossi... stórar og flottar stofur. Þetta var mega bissness. Fullt alls staðar og biðlistarnir endalausir,“ segir Binni. vísir/arnar 128 borð í bænum þá en ekki nema 12 í dag. En hvað í ósköpunum olli þessari rosalegu hnignun á áhuga Íslendinga á snóker? Íþrótt sem nýtur enn gríðarlegrar vinsældar úti í heimi sem fer ört vaxandi. Hvað gerðist í kring um árið 1993 á Íslandi? „Mig minnir að þá hafi þetta gengið illa hjá Stöð 2 og þeir hættu með útsendingar af snóker. þá fylgdi RÚV í kjölfarið og síðan fór snóker eiginlega bara beint niður í vinsældum. Þetta sýnir mátt sjónvarpsins. Erfitt sport Þá er samkeppnin í dag mikil. Heimurinn er orðinn hraðari en snóker er þolinmæðisíþrótt. „Þú ert náttúrulega í keppni við aðra hluti sko. Þú ert með tölvur, samfélagsmiðla, leiki... það sem er sýnt í sjónvarpinu; til dæmis fótbolti og golf og það er þá það sem ungt fólk myndi þá frekar sækja í,“ segir Binni. Brynjar Valdimarsson er eigandi snóker- og pool-stofunnar í Lágmúla.vísir/arnar Snóker er þá auðvitað ekki einfaldasta íþrótt í heimi. „Þetta er bara tæknisport skilurðu. Fólk er miklu fljótara að geta hitt kúlunum niður í pool en snóker er miklu erfiðara,“ segir Binni. Snókerborð er nefnilega miklu stærra en pool-borð og á móti kemur að bæði kúlurnar og vasinn eru minni. Reglurnar eru líka dálítið flóknari en leikurinn snýst um að safna sem flestum stigum með því að hitta til skiptis rauðri kúlu niður og lituðum kúlum. Rauð kúla gefur eitt stig en litirnir misjafnlega mörg stig, svört mest. Hækkandi meðalaldur „Meðalaldurinn í snóker hefur hækkað ansi mikið. Við getum orðað það þannig,“ segir Binni. Það gefur auga leið að hækkun meðalaldurs iðkenda er ekki góðs viti fyrir neina íþrótt. En þetta vill Binni laga. Og lausnin er ekki endilega flókin. „Það væri hægt að efla áhugann mjög mikið ef við kæmum snóker meira í sjónvarpið. Það er raunverulega alltaf leiðin held ég. Besta auglýsingin fyrir snóker er sjónvarp,“ segir hann. Þetta segist Binni staðráðinn í að reyna að gera á næstunni. Og hver veit því nema í framhaldinu verði hægt að upplifa hér á Íslandi stemmningu á borð við þá sem var í Valsheimilinu í febrúar 1990. Stemmningin var góð í Valsheimilinu.vísir
Snóker Reykjavík Mest lesið „Kveiktum næstum í öllu sumarbústaðalandinu“ Lífið Engir palestínskir fánar í Eurovision-höllinni Lífið Mikið fjör á opnun kosningaskrifstofu Gnarr Lífið Sígó eftir hvern hring og undir lokin þurfti að lyfta Mari upp úr stólnum en hún hljóp af stað Lífið Sjarmerandi og seiðandi á sjötugsaldri Lífið Hljómborðsleikari ELO fallinn frá Lífið Annie Mist og Frederik eignuðust dreng Lífið Sagan á bak við djarft listaverk Ásdísar Ránar Lífið Ný vörulína lagar litabletti í húð Lífið samstarf Hvetur fólk til þess að leika sér Lífið Fleiri fréttir Hvetur fólk til þess að leika sér Sígó eftir hvern hring og undir lokin þurfti að lyfta Mari upp úr stólnum en hún hljóp af stað Annie Mist og Frederik eignuðust dreng Hljómborðsleikari ELO fallinn frá Engir palestínskir fánar í Eurovision-höllinni Mikið fjör á opnun kosningaskrifstofu Gnarr Sjarmerandi og seiðandi á sjötugsaldri „Kveiktum næstum í öllu sumarbústaðalandinu“ „Nútíminn er trunta“ Sagan á bak við djarft listaverk Ásdísar Ránar Rithöfundurinn Paul Auster er látinn „Eurovision mamman“ með gleði og kærleika að vopni Múgur og margmenni fylgdust með ótrúlegu ostakúluáti „Hin raunverulegu stólaskipti fóru fram í dag“ Óstundvísi Steina sögð kosta tugi milljóna dollara Gerða og glæsilegar gellur á Edition Swing og hópkynlíf fyrir byrjendur! Snorri og Harpa selja á Njálsgötu Halda samstöðutónleika á sama tíma og Ísland keppir í Eurovision Una Torfa negldi slagara með Fleetwood Mac Maikai-hjónin eignuðust stúlku Bitcoin fjárfestar gerðu sér glaðan dag í Grósku Hvernig á að kenna hundi að rekja spor og slaka á Disneydraumurinn varð loks að veruleika Aðalsöngvari The Commitments stígur á svið í Háskólabíói Langþráður draumur Völu Eiríks rættist Álfa- og jólahúsið í Laugardalnum heyrir sögunni til Draumur Katrínar Eddu og Markúsar verður að veruleika Trítaði sig og fékk sér Teslu: „Hvað ertu með í laun eiginlega?“ Hönnunarhæð Karinar í Nola til sölu Sjá meira