Innlent

Úkraína í brenni­depli

Árni Sæberg skrifar
Sprengisandur hefst klukkan 10.
Sprengisandur hefst klukkan 10.

Úkraína er í brennidepli í Sprengisandi dagsins. Seðlabankastjóri fer yfir áhrif styrjaldarinnar á hagkerfið, sérfræðingar reyna að varpa ljósi á stöðuna sem versnar með degi hverjum. Í seinni hluta þáttar fara alþingismenn yfir áhrif stríðsins á utanríkistefnu Íslands.

Ásgeir Jónsson Seðlabankastjóri mætir á Sprengisand og fara þeir Kristján Kristjánsson yfir áhrif styrjaldarinnar á hagkerfið og velta fyrir sér hvernig þau áhrif munu seitla hingað og hversu alvarleg þau verða. Kóvíd skildi heimshagkerfið eftir í sárum en hvað nú? 

Sérfræðingarnir Valur Gunnarsson rithöfundur og Friðrik Jónsson fræðimaður um öryggis- og varnarmál mæta næstir og ætla að reyna að varpa ljósi á stöðuna í Úkraínu sem versnar með degi hverjum.

Síðari klukkutíminn fer síðan undir pólitískar umræður um áhrif þessarar stöðu sem upp er komin í heiminum, á utanríkisstefnu Íslendinga. Þrýsta þessi átök okkur nær Evrópu, lýsir VG yfir stuðningi við Nató, hvert verður framhald samskipta okkar við Rússa? 

Orri Páll Jóhannsson, þingflokksformaður VG, Guðrún Hafsteinsdóttir, tilvonandi dómsmálaráðherra, Hanna Katrín Friðriksson, þingmaður Viðreisnar, og Logi Einarsson, formaður Samfylkingar, fara yfir þessi mál öll.

Sprengisandur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið