Erlent

Segja engin merki um að Rússar séu að draga sig til baka

Gunnar Reynir Valþórsson skrifar
Landamæri Úkraínu og Rússlands skammt frá borginni Kharkiv. Úkraínumegin bíða menn átekta.
Landamæri Úkraínu og Rússlands skammt frá borginni Kharkiv. Úkraínumegin bíða menn átekta. epa/Sergey Kozlov

Háttsettur bandarískur embættismaður segir að fullyrðingar Rússa um að þeir hafi fækkað í herliði sínu við landamærin að Úkraínu séu rangar.

Embættismaðurinn, sem ekki hefur verið nafngreindur, heldur því þvert á móti fram að rússneskum hermönnum á svæðinu hafi fjölgað um 7 þúsund á degi hverjum undanfarna daga. 

Sami embættismaður segist óttast að Rússar muni finna sér átyllu til að ráðast inn í Úkraínu á næstu dögum. 

Rússar lýstu því yfir í fyrradag að þeir væru byrjaðir að fækka í herliði sínu á svæðinu og var þeim fréttum tekið fagnandi á vesturlöndum. Nú virðist sem þær yfirlýsingar hafi verið innihaldslausar með öllu. 

Joe Biden Bandaríkjaforseti sagði á símafundi með þýska kanslaranum Olaf Scholz í gærkvöldi að Rússar verði að sýna raunveruleg dæmi um að verið sé að draga úr spennunni á svæðinu.

Úkraína Bandaríkin Rússland Hernaður Átök í Úkraínu
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið