Innlent

Minnst ellefu bílar fastir á Hellisheiði

Samúel Karl Ólason skrifar
Hellisheiði og Þrengslum var lokað á öðrum tímanum í dag vegna veðurs og bíla sem voru fastir.
Hellisheiði og Þrengslum var lokað á öðrum tímanum í dag vegna veðurs og bíla sem voru fastir. Vísir/Vilhelm

Minnst ellefu bílar eru fastir á Hellisheiði og minnst einn árekstur hefur orðið uppi á heiðinni. Aðstæður eru slæmar og hefur blindbylur gert björgunarstörf erfið.

Hellisheiði var lokað á öðrum tímanum í dag og er hún enn lokuð. Næst verður kannað hvort tilefni sé að opna Hellisheiði og Þrengsli klukkan fjögur.

Vegagerðin bendir fólki á hjáleið um Suðurstrandarveg en þar er þó flughált og mjög varasamt.

Sjá einnig: Kröpp lægð gengur yfir - Hellisheiði lokuð vegna fastra bíla

Lögreglan segir að minnst ellefu bílum hafi verið ekið út í kant upp á heiði þar sem fólk ætli að bíða veðrið af sér. Þá hafi orðið minnst einn árekstur en upplýsingar um hann séu enn á reiki.

Davíð Már Bjarnason, upplýsingafulltrúi Landsbjargar, segir tvo hópa björgunarsveitafólks hafa verið senda frá Reykjavík upp á Hellisheiði á fjórða tímanum í dag vegna bíla sem voru fastir þar uppi.

Þau séu nýmætt á svæðið og séu að reyna að ná utan um vandamálið.

Björgunarsveitir voru einnig kallaður út á Hvammstanga vegna bíls sem væri fastur við Hvítserk. Fólkið í honum væri í vandræðum. Þá hafi þak við bóndabæ á Suðurlandi verið að fjúka í dag en því hafi verið bjargað skjótt.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×