Í hvaða umboði gætum við framtíðarinnar? Tómas N. Möller skrifar 26. janúar 2022 08:01 Öll höfum við áhrif á umhverfi okkar, hvort sem er með aðgerðum og athöfnum eða athafnaleysi og hlutleysi. Þetta á líka við um fyrirtæki og fjárfesta. Fyrirtæki og fjárfestar stýra athöfnum sínum og aðgerðum, nú eða aðgerðaleysi, innan lagaramma, umboðs sem þeir starfa í og annarra viðurkenndra viðmiða. Þannig viljum við sjálfsagt flest hafa það. Leyfa athafnasemi hvers og eins að njóta sín og stuðla að fjölbreytileika í starfsemi fyrirtækja og einstaklinga. Í takt við tímann Undanfarin ár hefur áhersla aukist á að fyrirtæki stundi sjálfbæran rekstur og hugi að hagsmunum haghafa sinna við stefnumótun og daglegan rekstur. Með haghöfum er m.a. vísað til birgja, starfsfólks og viðskiptavina. Með sjálfbærni er hér horft til jafnvægis milli þriggja þátta; samfélagslegra gilda, hagnaðar og efnahagslegrar velsældar sem og ábyrgðar gagnvart náttúrunni (e. People – Profit – Planet). Þetta á að tryggja að komandi kynslóðir njóti tækifæra eins og við. Nátengd sjálfbærni er áhersla á haghafa / hagaðila-hagkerfið (e. stakeholder capitalism). Þá er áhersla á að fyrirtæki horfi ekki eingöngu til þess að hámarka arðsemi hluthafa heldur taki líka markvisst tillit til hagsmuna annarra haghafa. Hér togast á tvö sjónarmið. Annars vegar eru það sjónarmið hagfræðingsins Miltons Friedman um mikilvægi hagsmuna hluthafa og hins vegar hugmyndir aðila eins og Michaels E. Porter og Marks R. Kramer um að skapa sameiginlegt virði fyrir haghafa. Áhersla á sjálfbærni og hagaðilahagkerfi vegur sífellt þyngra í rekstri margra öflugra fyrirtækja, til að mynda IKEA, Unilever, Patagonia, Marels og Össurar. Áhersla á sjálfbærni, loftslags- og samfélagsmál hefur einnig vakið sterk viðbrögð. Þetta á við um hið opinbera, fyrirtæki og stofnanafjárfesta eins og lífeyrissjóði, banka og fjárfestingarsjóði. Virk skoðanaskipti eru eðlileg og mikilvæg þegar kemur að rekstri fyrirtækja og stofnanafjárfesta sem fara oft fyrir annarra manna fé. Áhersla fjárfesta og fyrirtækja á loftslagsmál, hagaðila og upplýsingagjöf BlackRock er stærsta sjóðastýringarfyrirtæki í heimi og fer fyrir um tíu þúsund milljörðum bandaríkjadollara. Það stýrir m.a. eignasöfnum einstaklinga, tryggingafélaga og lífeyrissjóða. Saga BlackRock, stærð og umboð þýðir að tekið er eftir athöfnum þess. Forstjóri, formaður stjórnar og einn stofnenda fyrirtækisins, Larry Fink, hefur um árabil skrifað hluthöfum árleg bréf þar sem hann leggur áherslu á umboðsskyldu, loftslagsmál og önnur sjálfbærnimál. Hann lítur þar til hagsmuna fyrirtækja og fjárfesta sem horfa til langs tíma í rekstri. Í liðinni viku sendi Larry Fink frá sér bréf fyrir árið 2022. Þar hefur hann m.a. fjögur áhersluatriði: Loftslagsmál og samkeppnisstaða. Forstjórinn telur það lykilatriði að fyrirtæki setji sér stefnu að kolefnishlutleysi. Þau fyrirtæki og ríki sem geri það ekki verði undir í samkeppninni til lengri tíma litið. Þessi afstaða byggir ekki á náttúruverndarsjónarmiðum heldur áherslu BlackRock á umboðsskyldu gagnvart umbjóðendum sínum. Hann telur að það sé að verða umbylting í rekstri fyrirtækja í vegferð að kolefnishlutleysi. Það sé bara spurning um hvort hluthafar leiði eða verðir leiddir í gegn um þá þróun. Hagaðilahagkerfi. Fyrirtækjum vegnar betur þegar þau eru rekin í þágu hagsmuna starfsfólks, samfélags og hluthafa. Áréttað er að áhersla á hagaðilahagkerfið sé ekki pólitík heldur markaðsdrifin hugsun (e. capitalism). Það er markaðshugsun drifin áfram af gagnkvæmum hagsmunum og samskiptum við hluthafa sem og hagsmunum starfsfólks, viðskiptavina, birgja og þeirra samfélaga sem fyrirtæki reiðir sig á. Þetta sé kraftur markaðshagkerfisins þar sem langtímahagsmunir fyrirtækja, hluthafa og annarra haghafa fara saman. Upplýsingagjöf fyrirtækja til fjárfesta. Fyrirtæki verða að veita traustar upplýsingar um vegferð sína að kolefnishlutleysi, samkvæmt viðurkenndum aðferðum. Það er nauðsynlegt svo fjárfestar geti metið getu fyrirtækja til að laga sig að framtíðinni. Áhersla er lögð á að loftslagstengdar upplýsingar séu bara einn þáttur sem BlackRock kallar eftir. Sem fjárfestir kallar BlackRock líka eftir því að fyrirtæki sýni hvernig þau sinna ábyrgð gagnvart hluthöfum, þar með talið traustri framkvæmd í umhverfismálum, samfélagsmálum, stjórnarháttum. Tilgangur sem leiðarljós í rekstri. Öll fyrirtæki og stjórnendur hafi tilgang að leiðarljósi. Ef fyrirtæki eru trú tilgangi sínum og horfa til langs tíma, á sama tíma og þau aðlaga sig að breyttri veröld, geta þau bæði skilað traustri ávöxtun til hluthafa og hjálpað til við að virkja kraft markaðshagkerfisins í þágu allra. Þetta bréf til hluthafa er fimm blaðsíðna efnismikill texti sem er vel þess virði að lesa í heild. Það er aðgengilegt á vef BlackRock. Á réttum forsendum BlackRock, þetta risa stóra eignastýringarfyrirtæki, treystir því að hagaðilahagkerfið styðji við trausta langtímaávöxtun hluthafa. Auk þess er áréttað að þótt markaðshagkerfið sé öflugt umbreytingarafl geti viðskiptalífið eitt ekki keyrt áfram þær breytingar sem þarf til að ná settum loftslagsmarkmiðum. Stjórnvöld þurfi að marka skýra stefnu og móta regluverk um upplýsingagjöf til að styðja við sjálfbærnivegferðina. Þá þurfi líka öflugan stuðning við samfélög sem standa höllum fæti í þessari umbreytingu sem og virkan stuðning við rannsóknir og þróun til að þróa lausnir sem greiða leið okkar í átt að kolefnishlutlausu efnahagskerfi. Allt snýst þetta um að gera hlutina á réttum forsendum. Það er einmitt megin viðfangsefni Janúarráðstefnu Festu 2022 sem verður rafræn og send út frá Hörpu fimmtudaginn 27. Janúar kl. 9:00. Þar fáum við í Festu til liðs við okkur tvo þekkta fyrirlesara og fræðimenn sem tala til ráðstefnugesta í beinu streymi. Annars vegar er það Johan Rockström, heimsþekktur vísindamaður sem hefur getið sér gott orð fyrir greiningu á níu þolmörkum vistkerfa jarðar (e. planetary boundaries). Í heimildamyndinni Breaking Boundaries frá 2021 er flott umfjöllun um þolmörk vistkerfanna, en sjálfur David Attenborough talar inná myndina. Á eftir Johan kemur hagfræðingurinn Kate Raworth. Hún er höfundur kleinuhringjahagfræðinnar. Já, það er skemmtileg myndlíking, á ensku Doughnut Economics. Þar fjallar hún um hagfræði 21. aldarinnar sem sé sniðin að þolmörkum jarðar og þörfum jarðarbúa. Í kjölfar fyrirlesaranna verða þrjú vel skipuð pallborð þar sem viðfangsefnin eru nátengd framangreindum áherslum BlackRock. Þar ræðum við: hvernig fjármagn getur stuðlað markvisst að sjálfbærni stefnur og strauma í sjálfbærniupplýsingagjöf fyrirtækja og orkuskipti og hringrásarhagkerfið Í lokin koma tveir góðir fulltrúar yngri kynslóðarinnar og veita okkur hreinskilna og beitta sýn á samtalið á ráðstefnunni og leggja með okkur línurnar um næstu skref. Ráðstefnan er öllum opin og án endurgjalds. Hún verður aðgengileg á miðlum Festu (vefsíðu og FB) sem og á vefjum fimm fréttamiðla; visir.is, mbl.is, ruv.is, stundin.is og vb.is. Beinan hlekk á streymi má nálgast hér. Höfundur er formaður stjórnar Festu, miðstöðvar um samfélagsábyrgð og sjálfbærni, og yfirlögfræðingur Lífeyrissjóðs verzlunarmanna. Viltu birta grein á Vísi? Sendu okkur póst. Senda grein Samfélagsleg ábyrgð Tómas N. Möller Mest lesið Heilbrigðiskerfi Íslands - Látum verkin tala! Victor Guðmundsson Skoðun Hörmungarnar sem heimurinn hunsar Ragnar Schram Skoðun Dýrasti staður í heimi Ragnhildur Hólmgeirsdóttir Skoðun Grafið undan grunnstoð ríka samfélagsins Ragnar Þór Ingólfsson Skoðun Ákall til allra velunnara Sólheima í Grímsnesi Ingibjörg Rósa Björnsdóttir Skoðun Pólitískt ofbeldi, fasismi og tvískinnungur valdsins Davíð Aron Routley,Karl Héðinn Kristjánsson Skoðun Einn pakki á dag Guðmundur Ingi Þóroddsson Skoðun Milljarðar evra streyma enn til Pútíns Hjörtur J. Guðmundsson Skoðun Við hvað erum við hrædd? Ingvi Hrafn Laxdal Victorsson Skoðun Mennskan er fórnarlamb Menningarstríðsins! - Tilvist fólks er aldrei hugmyndafræði eða skoðun! Arna Magnea Danks Skoðun Skoðun Skoðun Við hvað erum við hrædd? Ingvi Hrafn Laxdal Victorsson skrifar Skoðun Höfuðborgin eftir fimmtíu ár, hvað erum við að tala um? Samúel Torfi Pétursson skrifar Skoðun Pólitískt ofbeldi, fasismi og tvískinnungur valdsins Davíð Aron Routley,Karl Héðinn Kristjánsson skrifar Skoðun Örugg heilbrigðisþjónusta fyrir öll börn frá upphafi - Alþjóðlegur dagur sjúklingaöryggis 2025 María Heimisdóttir skrifar Skoðun Einn pakki á dag Guðmundur Ingi Þóroddsson skrifar Skoðun Heilbrigðiskerfi Íslands - Látum verkin tala! Victor Guðmundsson skrifar Skoðun Hörmungarnar sem heimurinn hunsar Ragnar Schram skrifar Skoðun Dýrasti staður í heimi Ragnhildur Hólmgeirsdóttir skrifar Skoðun Grafið undan grunnstoð ríka samfélagsins Ragnar Þór Ingólfsson skrifar Skoðun Mennskan er fórnarlamb Menningarstríðsins! - Tilvist fólks er aldrei hugmyndafræði eða skoðun! Arna Magnea Danks skrifar Skoðun Milljarðar evra streyma enn til Pútíns Hjörtur J. Guðmundsson skrifar Skoðun Speglar geta aðeins logið – um hlutlægni, huglægni og mennskuna Hjalti Hrafn Hafþórsson skrifar Skoðun Að þétta byggð Halldór Eiríksson skrifar Skoðun Þegar viðskiptalíkan Vesturlanda er stríð – og almenningur borgar brúsann Steinunn Ólína Þorsteinsdóttir skrifar Skoðun Slökkvum ekki Ljósið Rósa Guðbjartsdóttir skrifar Skoðun Er það ekki sjálfsögð krafa að fá bílastæði? Aðalsteinn Haukur Sverrisson skrifar Skoðun Of lítið, of seint! Hjálmtýr Heiðdal,Magnús Magnússon skrifar Skoðun Halla fer að ræða um frið við einræðisherra Daníel Þröstur Pálsson skrifar Skoðun Ákall til allra velunnara Sólheima í Grímsnesi Ingibjörg Rósa Björnsdóttir skrifar Skoðun Varðveitum vatnið – hugvekja Hópur starfsfólks Náttúruminjasafns Íslands skrifar Skoðun Innviðaskuld við íslenskuna Eiríkur Rögnvaldsson skrifar Skoðun Náttúruvernd er loftslagsaðgerð og loftslagsaðgerðir þjóna náttúrunni Þorgerður María Þorbjarnardóttir skrifar Skoðun Fatlað fólk rukkað með rangindum fyrir bílastæði Haukur Ragnar Hauksson skrifar Skoðun Vissir þú, að.... og eða er þér bara slétt sama Björn Ólafsson skrifar Skoðun Hver hagnast á hatrinu? Halldóra Mogensen skrifar Skoðun Öfgamaður deyr Andri Þorvarðarson skrifar Skoðun Að taka til í orkumálum Guðrún Schmidt skrifar Skoðun Börn sem skilja ekki kennarann Ingibjörg Ólöf Isaksen skrifar Skoðun Skortur á rafiðnaðarfólki ógnar samkeppnishæfni Evrópu Kristján Daníel Sigurbergsson skrifar Skoðun Siglt gegn þjóðarmorði Cyma Farah,Sólveig Ásta Sigurðardóttir skrifar Sjá meira
Öll höfum við áhrif á umhverfi okkar, hvort sem er með aðgerðum og athöfnum eða athafnaleysi og hlutleysi. Þetta á líka við um fyrirtæki og fjárfesta. Fyrirtæki og fjárfestar stýra athöfnum sínum og aðgerðum, nú eða aðgerðaleysi, innan lagaramma, umboðs sem þeir starfa í og annarra viðurkenndra viðmiða. Þannig viljum við sjálfsagt flest hafa það. Leyfa athafnasemi hvers og eins að njóta sín og stuðla að fjölbreytileika í starfsemi fyrirtækja og einstaklinga. Í takt við tímann Undanfarin ár hefur áhersla aukist á að fyrirtæki stundi sjálfbæran rekstur og hugi að hagsmunum haghafa sinna við stefnumótun og daglegan rekstur. Með haghöfum er m.a. vísað til birgja, starfsfólks og viðskiptavina. Með sjálfbærni er hér horft til jafnvægis milli þriggja þátta; samfélagslegra gilda, hagnaðar og efnahagslegrar velsældar sem og ábyrgðar gagnvart náttúrunni (e. People – Profit – Planet). Þetta á að tryggja að komandi kynslóðir njóti tækifæra eins og við. Nátengd sjálfbærni er áhersla á haghafa / hagaðila-hagkerfið (e. stakeholder capitalism). Þá er áhersla á að fyrirtæki horfi ekki eingöngu til þess að hámarka arðsemi hluthafa heldur taki líka markvisst tillit til hagsmuna annarra haghafa. Hér togast á tvö sjónarmið. Annars vegar eru það sjónarmið hagfræðingsins Miltons Friedman um mikilvægi hagsmuna hluthafa og hins vegar hugmyndir aðila eins og Michaels E. Porter og Marks R. Kramer um að skapa sameiginlegt virði fyrir haghafa. Áhersla á sjálfbærni og hagaðilahagkerfi vegur sífellt þyngra í rekstri margra öflugra fyrirtækja, til að mynda IKEA, Unilever, Patagonia, Marels og Össurar. Áhersla á sjálfbærni, loftslags- og samfélagsmál hefur einnig vakið sterk viðbrögð. Þetta á við um hið opinbera, fyrirtæki og stofnanafjárfesta eins og lífeyrissjóði, banka og fjárfestingarsjóði. Virk skoðanaskipti eru eðlileg og mikilvæg þegar kemur að rekstri fyrirtækja og stofnanafjárfesta sem fara oft fyrir annarra manna fé. Áhersla fjárfesta og fyrirtækja á loftslagsmál, hagaðila og upplýsingagjöf BlackRock er stærsta sjóðastýringarfyrirtæki í heimi og fer fyrir um tíu þúsund milljörðum bandaríkjadollara. Það stýrir m.a. eignasöfnum einstaklinga, tryggingafélaga og lífeyrissjóða. Saga BlackRock, stærð og umboð þýðir að tekið er eftir athöfnum þess. Forstjóri, formaður stjórnar og einn stofnenda fyrirtækisins, Larry Fink, hefur um árabil skrifað hluthöfum árleg bréf þar sem hann leggur áherslu á umboðsskyldu, loftslagsmál og önnur sjálfbærnimál. Hann lítur þar til hagsmuna fyrirtækja og fjárfesta sem horfa til langs tíma í rekstri. Í liðinni viku sendi Larry Fink frá sér bréf fyrir árið 2022. Þar hefur hann m.a. fjögur áhersluatriði: Loftslagsmál og samkeppnisstaða. Forstjórinn telur það lykilatriði að fyrirtæki setji sér stefnu að kolefnishlutleysi. Þau fyrirtæki og ríki sem geri það ekki verði undir í samkeppninni til lengri tíma litið. Þessi afstaða byggir ekki á náttúruverndarsjónarmiðum heldur áherslu BlackRock á umboðsskyldu gagnvart umbjóðendum sínum. Hann telur að það sé að verða umbylting í rekstri fyrirtækja í vegferð að kolefnishlutleysi. Það sé bara spurning um hvort hluthafar leiði eða verðir leiddir í gegn um þá þróun. Hagaðilahagkerfi. Fyrirtækjum vegnar betur þegar þau eru rekin í þágu hagsmuna starfsfólks, samfélags og hluthafa. Áréttað er að áhersla á hagaðilahagkerfið sé ekki pólitík heldur markaðsdrifin hugsun (e. capitalism). Það er markaðshugsun drifin áfram af gagnkvæmum hagsmunum og samskiptum við hluthafa sem og hagsmunum starfsfólks, viðskiptavina, birgja og þeirra samfélaga sem fyrirtæki reiðir sig á. Þetta sé kraftur markaðshagkerfisins þar sem langtímahagsmunir fyrirtækja, hluthafa og annarra haghafa fara saman. Upplýsingagjöf fyrirtækja til fjárfesta. Fyrirtæki verða að veita traustar upplýsingar um vegferð sína að kolefnishlutleysi, samkvæmt viðurkenndum aðferðum. Það er nauðsynlegt svo fjárfestar geti metið getu fyrirtækja til að laga sig að framtíðinni. Áhersla er lögð á að loftslagstengdar upplýsingar séu bara einn þáttur sem BlackRock kallar eftir. Sem fjárfestir kallar BlackRock líka eftir því að fyrirtæki sýni hvernig þau sinna ábyrgð gagnvart hluthöfum, þar með talið traustri framkvæmd í umhverfismálum, samfélagsmálum, stjórnarháttum. Tilgangur sem leiðarljós í rekstri. Öll fyrirtæki og stjórnendur hafi tilgang að leiðarljósi. Ef fyrirtæki eru trú tilgangi sínum og horfa til langs tíma, á sama tíma og þau aðlaga sig að breyttri veröld, geta þau bæði skilað traustri ávöxtun til hluthafa og hjálpað til við að virkja kraft markaðshagkerfisins í þágu allra. Þetta bréf til hluthafa er fimm blaðsíðna efnismikill texti sem er vel þess virði að lesa í heild. Það er aðgengilegt á vef BlackRock. Á réttum forsendum BlackRock, þetta risa stóra eignastýringarfyrirtæki, treystir því að hagaðilahagkerfið styðji við trausta langtímaávöxtun hluthafa. Auk þess er áréttað að þótt markaðshagkerfið sé öflugt umbreytingarafl geti viðskiptalífið eitt ekki keyrt áfram þær breytingar sem þarf til að ná settum loftslagsmarkmiðum. Stjórnvöld þurfi að marka skýra stefnu og móta regluverk um upplýsingagjöf til að styðja við sjálfbærnivegferðina. Þá þurfi líka öflugan stuðning við samfélög sem standa höllum fæti í þessari umbreytingu sem og virkan stuðning við rannsóknir og þróun til að þróa lausnir sem greiða leið okkar í átt að kolefnishlutlausu efnahagskerfi. Allt snýst þetta um að gera hlutina á réttum forsendum. Það er einmitt megin viðfangsefni Janúarráðstefnu Festu 2022 sem verður rafræn og send út frá Hörpu fimmtudaginn 27. Janúar kl. 9:00. Þar fáum við í Festu til liðs við okkur tvo þekkta fyrirlesara og fræðimenn sem tala til ráðstefnugesta í beinu streymi. Annars vegar er það Johan Rockström, heimsþekktur vísindamaður sem hefur getið sér gott orð fyrir greiningu á níu þolmörkum vistkerfa jarðar (e. planetary boundaries). Í heimildamyndinni Breaking Boundaries frá 2021 er flott umfjöllun um þolmörk vistkerfanna, en sjálfur David Attenborough talar inná myndina. Á eftir Johan kemur hagfræðingurinn Kate Raworth. Hún er höfundur kleinuhringjahagfræðinnar. Já, það er skemmtileg myndlíking, á ensku Doughnut Economics. Þar fjallar hún um hagfræði 21. aldarinnar sem sé sniðin að þolmörkum jarðar og þörfum jarðarbúa. Í kjölfar fyrirlesaranna verða þrjú vel skipuð pallborð þar sem viðfangsefnin eru nátengd framangreindum áherslum BlackRock. Þar ræðum við: hvernig fjármagn getur stuðlað markvisst að sjálfbærni stefnur og strauma í sjálfbærniupplýsingagjöf fyrirtækja og orkuskipti og hringrásarhagkerfið Í lokin koma tveir góðir fulltrúar yngri kynslóðarinnar og veita okkur hreinskilna og beitta sýn á samtalið á ráðstefnunni og leggja með okkur línurnar um næstu skref. Ráðstefnan er öllum opin og án endurgjalds. Hún verður aðgengileg á miðlum Festu (vefsíðu og FB) sem og á vefjum fimm fréttamiðla; visir.is, mbl.is, ruv.is, stundin.is og vb.is. Beinan hlekk á streymi má nálgast hér. Höfundur er formaður stjórnar Festu, miðstöðvar um samfélagsábyrgð og sjálfbærni, og yfirlögfræðingur Lífeyrissjóðs verzlunarmanna.
Pólitískt ofbeldi, fasismi og tvískinnungur valdsins Davíð Aron Routley,Karl Héðinn Kristjánsson Skoðun
Mennskan er fórnarlamb Menningarstríðsins! - Tilvist fólks er aldrei hugmyndafræði eða skoðun! Arna Magnea Danks Skoðun
Skoðun Pólitískt ofbeldi, fasismi og tvískinnungur valdsins Davíð Aron Routley,Karl Héðinn Kristjánsson skrifar
Skoðun Örugg heilbrigðisþjónusta fyrir öll börn frá upphafi - Alþjóðlegur dagur sjúklingaöryggis 2025 María Heimisdóttir skrifar
Skoðun Mennskan er fórnarlamb Menningarstríðsins! - Tilvist fólks er aldrei hugmyndafræði eða skoðun! Arna Magnea Danks skrifar
Skoðun Speglar geta aðeins logið – um hlutlægni, huglægni og mennskuna Hjalti Hrafn Hafþórsson skrifar
Skoðun Þegar viðskiptalíkan Vesturlanda er stríð – og almenningur borgar brúsann Steinunn Ólína Þorsteinsdóttir skrifar
Skoðun Náttúruvernd er loftslagsaðgerð og loftslagsaðgerðir þjóna náttúrunni Þorgerður María Þorbjarnardóttir skrifar
Skoðun Skortur á rafiðnaðarfólki ógnar samkeppnishæfni Evrópu Kristján Daníel Sigurbergsson skrifar
Pólitískt ofbeldi, fasismi og tvískinnungur valdsins Davíð Aron Routley,Karl Héðinn Kristjánsson Skoðun
Mennskan er fórnarlamb Menningarstríðsins! - Tilvist fólks er aldrei hugmyndafræði eða skoðun! Arna Magnea Danks Skoðun