Sport

Sverrir Ingi skoraði í þægilegum sigri PAOK

Atli Arason skrifar
Sverrir Ingi Ingason, leikmaður PAOK.
Sverrir Ingi Ingason, leikmaður PAOK. Getty

Sverrir Ingi Ingason og félagar í gríska liðinu PAOK unnu lið Volos 0-4 í grísku úrvalsdeildinni í dag. Sverrir spilaði allan leikinn, hélt marki sínu hreinu og var á meðal markaskorara.

PAOK kemst yfir með marki úr vítaspyrnu á 21. mínútu en átta mínútum síðar fær PAOK hornspyrnu. Sverrir mætir í vítateiginn og kemur boltanum í netið eftir fyrirgjöf Jasmin Kurtic.

PAOK bætir við tveimur mörkum í viðbót á tíu mínútna kafla í síðari hálfleik og vann því afar sannfærandi 0-4 sigur.

PAOK er áfram í öðru sæti deildarinnar eftir sigurinn en liðið er sex stigum á eftir Olympiacos, sem á leik gegn PAS Giannina seinna í dag.

Mest lesið


Fleiri fréttir

Sjá meira


×

Mest lesið