Ökumaður sem átti að vera í einangrun gripinn af lögreglu

Tryggvi Páll Tryggvason skrifar 22. janúar 2022 07:22

Lögregluvesti Foto: Vilhelm Gunnarsson/Vilhelm Gunnarsson

Ökumaður sem átti að vera í einangrun má búast við kæru vegna brots á sóttvarnarlögum eftir að lögregla greip hann glóðvolgan við aksturinn.

Maðurinn var stöðvaður á ferð sinni í Reykjavík skömmu eftir miðnætti að því er fram kemur í dagbók lögreglu. Við eftirgrenslan lögreglu kom í ljós að ökumaðurinn átti að vera í einangrun vegna Covid-19, og má hann sem fyrr segir búast við kæru.

Tiltölulega fá mál voru bókuð í dagbók lögreglu frá fimm síðdegis í gær til fimm í nótt. Lögregla óskaði meðal annars eftir aðstoð vegna manns sem svaf ölvunarsvefni í miðborg Reykjavíkur.

Viðkomandi neitaði að yfirgefa húsið sjálfviljugur og þegar lögreglumenn voru að vísa honum út sparkaði hann í þá. Var hann handtekinn í kjölfarið og vistaður í fangaklefa í þágu rannsóknar málsins.

Tilkynnt var um tvær líkamsárásir í Reykjavík í gær og í nótt og voru tveir handteknir vegna þeirra.

Reykjavík Lögreglumál Faraldur kórónuveiru (COVID-19)

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.