Mannréttindastjórinn undirstrikar að vernd og efling efnahagslegra, menningarlegra og félagslegra réttinda verði áfram ein helsta áherslan í störfum skrifstofu mannréttindastjóra Sameinuðu þjóðanna (OHCHR). Að mati Bachelet „gildir einu hversu frjálsir einstaklingar eru til að tjá sig og mótmæla, raunverulegt frelsi þeirra er ekki tryggt ef þá skortir mat, menntun og þak yfir höfuðið,“ eins og hún orðaði það.
Bachelet benti á að nú þegar heimurinn glímir þriðja árið í röð við heimsfaraldur kórónuveirunnar verði mannréttindaskrifstofan að berjast gegn þeim ójöfnuði sem faraldurinn hefur leitt af sér og styðja við bakið á viðkvæmum þjóðfélagshópum sem orðið hafa verst úti. „Kjarninn í starfinu snýst þó um að snúa við kerfislægri kynþáttahyggju og styrkja ábyrgð löggæsluyfirvalda sem taka þátt í dauða fólks af afrískum uppruna,“ sagði hún.
Skrifstofa mannréttindastjóra er mjög háð frjálsum framlögum og fékk á síðasta ári 62 prósent þeirra framlaga sem óskað hafði verið eftir.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
