Sigvaldi: Erum að spila geggjaðan handbolta

„Það er alltaf gaman að spila á móti Danmörku og við eigum góðar minningar frá síðasta leik. Við ætlum að gera okkar besta,“ segir Sigvaldi og veit sem er að danska þjóðin vill fá hefnd í þessum leik í kvöld.

„Þetta verða mikil læti. Bæði lið eru vel stemmd. Við viljum spila okkar handbolta áfram. Við erum í góðu flæði og sérstaklega í sókninni þar sem við erum að spila geggjaðan handbolta.“

Sigvaldi hefur einmitt verið í miklu flæði og ekkert stöðvað hann hingað til.

„Það er búið að vera mjög gaman og gott að fá að spila 60 mínútur. Tala nú ekki um þegar skrokkurinn er góður. Vonandi heldur þetta áfram.“