Veður

Stormur austan­til á landinu og gular við­varanir í gildi

Atli Ísleifsson skrifar
Frost verður á bilinu núll til níu stig og dregur úr vindi síðdegis.
Frost verður á bilinu núll til níu stig og dregur úr vindi síðdegis. Vísir/Vilhelm

Veðurstofan gerir ráð fyrir norðvestan stormi eða roki austantil á landinu í dag, hvassast á Austfjörðum, og eru gular viðvaranir í gildi á þeim slóðum fram á kvöld.

Annars staðar á landinu verður vindur mun hægari. Víða él, en yfirleitt léttskýjað sunnan heiða.

Frost verður á bilinu núll til níu stig og dregur úr vindi síðdegis.

„Fremur hægur vindur á morgun, en norðvestan strekkingur austast á landinu fram eftir degi. Lítilsháttar él Norðaustanlands, en á Suður- og Vesturlandi verður þurrt og lengst af bjart veður. Herðir á frosti,“ segir á vef Veðurstofunnar.

Spákortið fyrir klukkan 15.Veðurstofan

Veðurhorfur á landinu næstu daga

Á þriðjudag: Norðlæg eða breytileg átt 3-10 m/s, en 10-15 A-til fram eftir degi. Lítilsháttar él NA-lands, en lengst af bjartviðri á S- og V-landi. Frost 1 til 13 stig, kaldast inn til landsins.

Á miðvikudag: Suðaustan 10-18 og rigning eða snjókoma með köflum, hiti um og yfir frostmarki. Hægari vindur á NA- og A-landi og lengst af þurrt og svalt í veðri. Suðaustan hvassviðri eða stormur um kvöldið með talsverðri rigningu S-lands.

Á fimmtudag: Sunnan og suðaustan 15-25 og rigning eða slydda með köflum. Hiti 1 til 6 stig. Dregur úr vindi seinnipartinn og styttir upp N-lands.

Á föstudag: Sunnan og suðvestan 8-15 og rigning eða slydda með köflum á S- og V-landi, hiti 1 til 5 stig. Þurrt um landið NA-vert og hiti í kringum frostmark.

Á laugardag: Austlæg eða breytileg átt og rigning eða snjókoma A-lands, en styttir upp um landið V-vert. Hiti um eða yfir frostmarki.

Á sunnudag: Útlit fyrir suðlæga átt með rigningu eða slyddu víða um land.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.