Veður

All­hvöss norðan­átt og drjúg ofan­koma á köflum

Atli Ísleifsson skrifar
Gular viðvaranir hafa verið gefnar út á Vestfjörðum, Ströndum og Norðurlandi vetra, Austurlandi að Glettingi og Austfjörðun vegna norðaustanhríðar.
Gular viðvaranir hafa verið gefnar út á Vestfjörðum, Ströndum og Norðurlandi vetra, Austurlandi að Glettingi og Austfjörðun vegna norðaustanhríðar. Veðurstofan

Spáð er norðan- og norðaustanátt í dag og verður strekkingur eða allhvass algengur vindstyrkur. Á norðan- og austanverðu landinu er útlit fyrir snjókomu og gæti orðið nokkuð drjúg ofankoma á köflum.

Gular viðvaranir hafa verið gefnar út fyrir Vestfirði, Strandir og Norðurland vestra, Austurland að Glettingi og Austfirði vegna norðaustanhríðar. Reiknað er með að lægi aftur í kvöld.

Í hugleiðingum veðurfræðings á vef Veðurstofunnar segir að vegfarendur séu hvattir til að kynna sér færð og ástand vega, sér í lagi ef förinni sé heitið yfir fjallvegi.

„Sunnan og suðvestanlands mun eitthvað snjóa einnig, þó í mun minna mæli en fyrir norðan og austan. Það dregur úr frosti og verður það yfirleitt á bilinu 0 til 4 stig þegar kemur fram á daginn.

Á morgun er áfram útlit fyrir stífa norðan- og norðaustanátt. Það verður úrkomuminna norðan og austanlands en verður í dag, þó má búast við éljum á þessum slóðum. Sunnan heiða er útlit fyrir léttskýjaðan dag. Veður fer smám saman kólnandi á morgun.“

Spákortið fyrir klukkan 15.Veðurstofan

Veðurhorfur á landinu næstu daga

Á miðvikudag: Norðan og norðustan 10-18 m/s, hvassast í vindstrengjum sunnan undir fjöllum. Dálítil él á Norður- og Austurlandi, en léttskýjað sunnan heiða. Frost 0 til 7 stig, mildast með austurströndinni.

Á fimmtudag: Norðaustan 8-15 og él norðan- og austanlands, en bjartviðri á Suður- og Vesturlandi. Frost víða 0 til 4 stig.

Á föstudag (gamlársdagur): Austan 5-10, en 10-15 með suðurströndinni. Bjartviðri vestanlands, en annars lítilsháttar él á víð og dreif og smáskúrir syðst á landinu. Frost 0 til 8 stig, kaldast í innsveitum fyrir norðan, en frostlaust syðst.

Á laugardag (nýársdagur): Gengur í hvassa austan- og norðaustanátt með slyddu eða snjókomu, en síðar rigningu sunnanlands. Hlýnandi veður.

Á sunnudag: Ákveðin norðaustanátt með snjókomu norðantil á landinu, slyddu austanlands, en úrkomulaust að mestu sunnan heiða. Hiti kringum frostmark.

Á mánudag: Norðaustan- og austanátt og snjókoma eða él í flestum landshlutum. Víða vægt frost.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.