Bjart og þurrt veður á vestanverðu landinu

Atli Ísleifsson skrifar 23. desember 2021 07:12

Veðrið næstu daga verður mjög svipað. Vísir/Vilhelm

Veðurstofan spáir austlægri eða breytilegri átt, þremur til átta metrum á sekúndu í dag, en austan strekkingur við suðurströndina. Skýjað og dálítil él austantil, en bjart og þurrt á vestanverðu landinu.

Á vef Veðurstofunnar segir að frost verði á bilinu núll til tíu stig, en frostlaust syðst.

„Veðrið næstu daga verður mjög svipað. Austlægir áttir og sums staðar lítilsháttar él en bjart að mestu og þurrt vestantil. Áfram frekar kalt í veðri.“

Veðurhorfur á landinu næstu daga

Á föstudag (aðfangadagur jóla): Austlæg eða breytileg átt 3-10 m/s, en austan 10-15 syðst á landinu. Víða þurrt og bjart veður, en skýjað og lítilsháttar él með suðaustur- og austurströndinni. Frost 0 til 7 stig, kaldast í innsveitum fyrir norðan.

Á laugardag (jóladagur): Austlæg eða breytileg átt 3-10. Skýjað að mestu og sums staðar dálítil él, en þurrt og bjart suðvestantil. Hiti kringum frostmark sunnanlands, en frost að 7 stigum fyrir norðan.

Á sunnudag (annar í jólum) og mánudag: Norðan- og norðaustanátt, víða á bilinu 5-10 m/s. Dálítil él norðan- og austanlands, en þurrt og bjart á Suður- og Vesturlandi. Frost 1 til 8 stig.

Á þriðjudag: Norðlæg eða breytileg átt. Lítilsháttar él á norðanverðu landinu, en léttskýjað sunnan heiða. Frost 2 til 12 stig, mest inn til landsins.

Á miðvikudag: Útlit fyrir hvassa austanátt með slyddu eða snjókomu sunnantil, en þurrt að kalla á norðanverðu landinu. Hlýnandi veður.

Veður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.