Ekki að sjá að hlaupvatn sé komið fram í Gígjukvísl

Atli Ísleifsson skrifar 26. nóvember 2021 07:40

Miðað við fyrri hlaup má gera ráð fyrir að hlaupvatn komi fram við jökuljaðar á allra næstu dögum. Vísir/RAX

Ekki er að sjá að neitt hlaupvatn hafi komið fram í Gígjukvísl en íshellan í Grímsvötnum hélt áfram að lækka í nótt.

Þetta segir Einar Hjörleifsson, náttúruvársérfræðingur hjá Veðurstofunni, í samtali við Vísi um klukkan 7:30 í morgun.

„Staðan er keimlík því sem hún var í gær. Það er ekki að sjá á mælum að neitt hlaupvatn sé komið fram í Gígjukvísl, hvorki á gas- né vatnamælum. Við fylgjumst áfram með stöðunni, en það er í rauninni óbreytt staða frá í gær.“

Hann segir að það sjáist á GPS-mælum að íshellan hafi lækkað línulega í nótt. „Íshellan hefur lækkað hægt og rólega í nótt og er færslan nú að nálgast 73 sentimetra frá klukkan 10 í fyrradag,“ segir Einar.

Lækkun íshellunnar í Grímsvötnum hefur verið að lækka síðustu daga sem er vísbending um að Grímsvatnahlaup sé í vændum.

Grímsvötn Hornafjörður Skaftárhreppur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.