Innlent

Loka fyrir inn­lagnir á Klepp eftir að sjúk­lingur greindist

Eiður Þór Árnason skrifar
Geðendurhæfingardeildin á Kleppi.
Geðendurhæfingardeildin á Kleppi. Vísir/Vilhelm

Sjúklingur á geðendurhæfingardeildinni á Kleppi greindist með Covid-19 í gær og er deildin komin í sóttkví. Lokað hefur verið fyrir innlagnir á meðan unnið er að því að rekja í kringum sjúklinginn.

Átta sjúklingar eru í sóttkví á deildinni en þeir skiluðu allir neikvæðum sýnum í gær. Í dag eru víðtækar skimanir hjá starfsmönnum.

Þetta kemur fram í tilkynningu frá farsóttanefnd Landspítalans. Nú liggja 22 sjúklingar á Landspítalanum með Covid-19. Þrír eru á gjörgæslu og tveir þeirra í öndunarvél. Í gær lögðust þrír inn eftir skoðun á Covid-göngudeild og áðurnefndur sjúklingur greindist á geðendurhæfingardeildinni við reglubundna skimun.

Alls eru 1.729 einstaklingar í eftirliti hjá Covid-göngudeild spítalans, þar af 560 börn. 82 eru gulir en enginn rauður. 27 starfsmenn eru frá vinnu vegna einangrunar og 27 vegna sóttkvíar. Þá eru 131 starfsmaður í vinnusóttkví.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×