Lífið

„Oh my God ertu byrjaður á þessu aftur?“

Sylvía Rut Sigfúsdóttir skrifar
Bjarni Snæbjörnsson leikari tekur þátt í afmælisverkefni Málbjargar.
Bjarni Snæbjörnsson leikari tekur þátt í afmælisverkefni Málbjargar. Skjáskot

Í tilefni af 30 ára afmæli Málbjargar, Félag um stam á Íslandi, ákváðu forsvarsmenn félagsins að ráðast í grínsketsagerð til að vekja athygli á þeim viðbrögðum sem fólk sem stamar fær stundum frá einstaklingum sem það á í samskiptum við.

Einvalalið leikara var fengið til að taka þátt og handritið skrifað af Dóru Jóhannsdóttur sem leikstýrði einnig í félagi við Arnór Pálma Arnarson.

Í meðfylgjandi myndbandi má sjá leikarana Eygló Hilmarsdóttur og Bjarna Snæbjörnsson fara á kostum í skóbúð einni í Kringlunni.

„Stam kemur ekki oft fyrir í fjölmiðlum, kvikmyndum eða sjónvarpsþàttum. Þegar það þó gerist er það oftar en ekki nýtt einstaklingum til minnkunnar eða sem aðhlátursefni. Við í Málbjörgu fengum á 30 ára afmælisárinu til liðs við okkur hæfileikaríkt listafólk til að útbúa grínsketsa með það fyrir augum að vekja athygli á þeim fordómum sem við sem stömum verðum oft fyrir. Við megum aldrei gleyma húmornum en hann er oft ágætis vopn til að koma góðum màlstað á framfæri. Það er jú nauðsynlegt að hlæja,“ segir um verkefnið.  




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.