Fyrsta dauðsfall í tengslum við eldgosið á La Palma

Viktor Örn Ásgeirsson skrifar 14. nóvember 2021 09:00

Yfir sjö þúsund manns hafa þurft að yfirgefa heimili sín og um níu ferkílómetrar lands eru nú þaktir ösku. Getty Images

Eldri maður lét lífið í tengslum við eldgosið á eyjunni La Palma á Spáni í vikunni. Maðurinn var 72 ára gamall.

Maðurinn er talinn hafa dottið af húsþaki þegar hann var að þrífa ösku af húsi sínu í El Paso á vesturhluta eyjarinnar.

Hús mannsins var á svæði sem lokað hafði verið vegna gossins, en íbúar fengu leyfi til að dytta að eignum sínum og gefa dýrum að borða, sem eftir höfðu orðið á svæðinu.

Sergio Rodriguez, borgarstjóri El Paso, staðfestir dauðsfallið og segir það til rannsóknar. Meðal kenninga er að maðurinn hafi hlotið brennisteinseitrun.

Eldgos á La Palma Spánn Kanaríeyjar

Tengdar fréttir

Magnaðar myndir sýna La Palma á kafi í ösku

Nýjar myndir frá spænsku eyjunni La Palma sýna mikið öskulag sem virðist hafa lagt sig yfir hluta eyjarinnar líkt og teppi. Eldgos í Cumbre Vieja á eynni hefur nú staðið í um sex vikur.

3. nóvember 2021 08:39

Dróni kemur hundum sem eru fastir við eldgosið til bjargar

Drónaeigandi á La Palma-eyju hefur fengið leyfi yfirvalda til þess að freista þess að bjarga þremur veikburða hundum sem eru fastir í grennd við Cumbre Vieja eldfjallið.

19. október 2021 22:36

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.