Leggur til hertar aðgerðir í nýju minnisblaði

Þetta staðfesti Svandís í samtali við fréttastofu. Hún vill ekki tjá sig frekar um minnisblaðið og innihald þess. Það verður rætt á ríkisstjórarfundi í fyrramáli.

Tvö hundruð greindust með kórónuveiruna í gær sem er metfjöldi þriðja daginn í röð. Aldrei hafa fleiri verið í einangrun með veiruna en í dag eða um fimmtán hundruð manns. 

Þórólfur Guðnason sóttvarnalæknir hefur sagt að hann horfi til fyrri aðgerða og hvernig þær hafi virkað við gerð þessa minnisblaðs. 

Ríkisstjórnin kemur saman til fundar í Ráðherrabústaðnum klukkan hálf níu í fyrramáli.