Myndbandið er í leikstjórn Erlends Sveinssonar og er unnið í samstarfi við Landsbankann sem hluti af Iceland Airwaves - Live from Reykjavík seríunni þeirra í ár.

Myndbandið er nokkuð sérstakt af því leytinu til að það var allt tekið upp aftur á bak. 

Söngvari sveitarinnar Fannar Ingi flutti textann og lagið aftur á bak og segir hann í samtali við Vísi að það sé eitt það erfiðasta sem hann þurft að gera á lífsleiðinni, að leggja lagið á minnið aftur á bak.

Hipsumhaps stendur fyrir tónleikum í Iðnó þann 6. nóvember næstkomandi en hér að neðan má sjá myndbandið sjálft.